Reseı 5 maýsymnan bastap qaraqumyq eksportyna tyıym saldy, bul 31 tamyzǵa deıin sozylady. Reseı úkimeti tıisti qaýlyny sáýir aıynyń sońynda qabyldaǵan dep habarlaıdy "Adyrna" ulttyq portaly "RIA Novostıge" silteme jasap.
Ýaqytsha tyıymnyń halyqaralyq gýmanıtarlyq kómek taýarlaryna, tranzıttik taýarlarǵa, Reseıdiń basqa elderdegi áskerı qurylymdarynyń qyzmetine jáne Baıqońyr men Shpıbergendegi reseılik uıymdarǵa qajet ónimge qatysy joq.
Bıdaı eksporttaýshylarynyń málimetine sáıkes, reseılik qaraqumyqtyń negizgi ımporttaýshylary – Qytaı, Latvııa jáne Ýkraına.
2020 jyldyń shildesinen bıylǵy jyldyń sáýirine deıin Qytaıǵa 26,228 myń tonna, Latvııaǵa 14,339 myń tonna, Ýkraınaǵa 13,189 myń tonna qaraqumyq jetkizilgen. Budan bólek Lıtva 9,812 myń tonna jáne Japonııa 8,536 myń tonna ımporttaǵan.
Ótken jyly Reseıde 892 myń tonna qaraqumyq ósirilgen.
Qazaqstan byltyr tótenshe jaǵdaı engizilgen ýaqytta qaraqumyq pen keıbir azyq-túlik taýarlarynyń eksportyna tyıym salǵan bolatyn.
"Adyrna" ulttyq portaly.
