Bılım jäne ǧylym ministrı «Aq jol» fraksiiasynyŋ deputattyq saualyna jauap berdı.
Biyl 28 säuırde QR Parlamentı Mäjılısı deputaty Qazybek İsa Bılım jäne ǧylym ministrı Ashat Aimaǧambetovke «Aq jol» fraksiiasy atynan deputattyq saual joldap, qandas jastardyŋ bılım alu mäselesıne qatysty özektı mäselelerdı köterdı. Onda basty mäsele – Qazaqstandaǧy jäne älemdegı epidemiologiialyq jaǧdaiǧa bailanysty şeteldegı qandas jastardy oquǧa onlain qabyldau kerektıgı bolatyn.
Jaqynda Bılım jäne ǧylym ministrı A.Aimaǧambetovten resmi jauap keldı. Biyl ŪBT kandastar üşın 2021 jylǧy mausym aiynda onlain formatta ötetın boldy.
Qūrmettı deputattar!
Qazaqstan Respublikasy Bılım jäne ǧylym ministrlıgı (būdan ärı – Ministrlık) deputattyq saualdy qarastyryp kelesını habarlaidy. Ministrlık Ūlttyq bıryŋǧai testıleudıŋ (būdan ärı – ŪBT) tapsyruyn talapkerlerge yŋǧaily etu maqsatynda ŪBT aǧymdaǧy jyly alǧaş ret tolyǧymen elektrondy formatqa köşırıldı. 2020 jyly Qazaqstandaǧy jäne älemdegı epidemiologiialyq jaǧdaiǧa bailanysty Ministrlık Ūlttyq testıleu ortalyǧymen (būdan ärı – ŪTO) bırlesıp qandastar üşın ŪBT-ny onlain formatta ūiymdastyrdy. Ol sättı synaqtan ötıp, 2020 jylǧy 19 şıldede 551 adamnyŋ qatysuymen ötkızıldı. ŪBT-ny obektivtı ötkızu maqsatynda test tapsyru prosesı kezınde proktoring jäne beinemonitoring jüiesı tolyq qamtamasyz etıldı.Biyl Qazaqstandaǧy jäne älemdegı epidemiologiialyq jaǧdaiǧa bailanysty ŪBT kandastar üşın 2021 jylǧy mausym aiynda 2020 jylǧy täjıribenı eskere otyryp onlain formatta ötedı.ŪBT tapsyrudyŋ būl formaty Ministrlık, ŪTO jäne «Otandastar» qorymen bırge jan-jaqty qaraldy. Ministrlık qandastarǧa qazaqstandyq joǧary oqu oryndarynda joǧary bılım alu mümkındıgın keŋeitu boiynşa tūraqty negızde jūmys jürgızude. Elımızdegı jäne jalpy älemdegı epidemiologiialyq jaǧdaiǧa bailanysty ŪBT-ny ūiymdastyru prosesı kezınde bızdıŋ studentter men jastardyŋ densaulyǧy mäselesı Ministrlık üşın basym bolyp tabylatyndyǧyn aita ketken jön. Ministr A. Aimaǧambetov Keşe qandastar QR Bılım jäne ǧylym ministrlıgıne jäne Parlamentte şeteldegı qandas jastardyŋ emtihandy onlain tapsyruy mäselesın kötergen «Aq jol» fraksiiasyna alǧys aitty. Būl turaly Qanat Qaqar esımdı qandasymyz äleumettık jelıde jazdy.
- QR Bılım jäne Ǧylym ministrlıgıne, Mäjılıs deputaty Qazybek İsa aǧaiǧa myŋ alǧys! Ūlty qazaq şeteldık azamattar emtihanǧa onlain qatysu mümkındıgın aldy,- dep jazdy ol.Atap ötu kerek, Qazaqstan Respublikasynyŋ Bılım jäne ǧylym ministrlıgı şeteldık azamattardy, sonyŋ ışınde, bakalavriat, magistratura jäne doktoranturanyŋ bılım beru baǧdarlamalary boiynşa elımızdıŋ joǧary oqu oryndarynda oquǧa Qazaqstan Respublikasynyŋ azamaty bolyp tabylmaityn qazaqtardy oquǧa şaqyrǧan bolatyn.
Bölıngen granttar sany: - Bakalavriat - 490 - Magistratura - 50 - PhD doktorantura - 10Ümıtkerler qūjattardy onlain rejimınde 2021 jylǧy 7 mausymnan 20 şıldege deiın tapsyra alady. Qosymşa aqparat Bolon prosesı jäne akademiialyq ūtqyrlyq ortalyǧynyŋ saitynda ornalasqan. Barlyq sūraqtar boiynşa habarlasyŋyz: Tel.: +7 (7172) 28 75 26
Qazybek İSA
