Almatylyq Sabina Sanber «Tūrmysqa şyǧu kerek» degen jazuy bar plakatpen bır adamdyq piketke şyqty, dep habarlaidy «Adyrna» tılşısı.
Keiınırek qyz piketke şyǧudaǧy maqsatyn tüsındırdı.
«Tūrmys qūru maŋyzdy deidı... Ne üşın maŋyzdy? Şynymdy aitsam, qazır būl köpşılık üşın mäsele bolyp esepteledı. Adamdar nekege otyru qajet bolǧandyqtan ǧana şaŋyraq köteredı. Qyz 25 jastan asyp, älı tūrmys qūrmasa, qoǧam ony «kärı qyz» dep atap, qysym jasaidy. Būl maǧan ūnamaidy. Menıŋ jasymdy estıgen kez kelgen adam älı tūrmysqa şyqpaǧanyma taŋ qalady. Odan keiın «uaqyty keldı» degen äŋgımeler bastalady. Būl suret arqyly äleumettık standarttardy mazaq etkım keledı, öitkenı üilenudıŋ naqty belgılengen uaqyty joq. Sız daiyn bolǧan kezde jäne jaqyn adamyŋyzdy jolyqtarǧan jaǧdaida ǧana neke qidyrtuyŋyz qajet»,—dedı aru.Sabinanyŋ aituynşa, ol 26 jasta, özınıŋ jeke kompaniiasy bar jäne mınezı de jaman emes.
«Ärbır näzıkjandy öz adamyn kezdestırgende mındettı türde tūrmysqa şyǧatyn bolady. Sol sebeptı bırınşı kezdesuden-aq üilenıp ketu kerek dep araŋdatudyŋ qajetı joq. Qabyldauyŋyzdy özgertıŋız»,– dep sözın qorytyndylady ol.
«Adyrna» ūlttyq portaly
