Jelıde Türkıstan oblysyndaǧy mektep direktory 9-synyp oquşysyn öz-özıne qol jūmsauǧa deiın jetkızdı degen aqparat tarady, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Äleumettık jelıde Türkıstan oblysy, Ordabasy audanynyŋ tumasy Nūrdäulet Myqtybekov esımdı tūrǧyn mektep direktorynyŋ qaryndasyn özın-özı öltıruge deiın jetkızgenı turaly aityp, ädıldık sūrady.
«Qūrmettı Türkıstan oblysynyŋ äkımı Ömırzaq Şökeev, qūrmettı bas prokuror Ǧizat Nūrdauletov, ışkı ıster ministrı Erlan Tūrǧynbaev, bılım ministrı Ashat Aimaǧambetov, balalar qūqyǧyn qorǧauşy Arujan Sain. 2021 jyly 2 mausym künı, bır apta būryn 9-synypty bıtırgen qaryndasym Myqtybek Elvira özıne-özı qol jūmsady. Qaryndasymdy öz-özıne qol jūmsauǧa itermelegen jäne onyŋ ölımıne kınälı bırden bır adam mektep direktory Staeva Aisara Nurjigitovna dep esepteimın. Elvira üzdık attestattan ümıttı mekteptegı üş oquşynyŋ bırı boldy. Alaida direktor üzdık bıtıruge barynşa kedergı keltırıp, emtihanda qysym körsetken», – deidı Nūrdäulet Myqtybekov.Ol direktor qaryndasyn emtihannan keiın alyp, taǧy da qysym körsetıp, baǧasyn kemıtemın dep qorqytqanyn aitady. Köp ūzamai qyz üiınıŋ aulasynda özıne qol jūmsapty.
«Emtihanda töbesınen tönıp tūryp baqylaǧan. «Sen üşke oqityn oquşysyŋ, senıŋ baǧaŋdy 10 ball kemıtemın» dep oquşylardyŋ közınşe aitqan. Emtihannyŋ soŋynda jeke alyp qalǧan. Ne aityp, ne qysym jasaǧany belgısız. Syrtqa şyqqanda qaryndasym qatty yzalanyp, jylap şyqqan. Būǧan üi ışı, mūǧalımder men synyptastary da kuä. Qalǧan üzdık attestatqa ümıtker oquşylarǧa qysym körsetpegen. Olardan aqşa aluy da mümkın. Auyl arasynda ondai äŋgıme de bar. Osyndai qysymnan keiın būǧan deiın beske oqyǧan qaryndasym bır sabaqtan tört şyǧyp, qatty küizelıske ūşyrap, üi aulasynda arqanǧa asylyp, köz jūmdy», – deidı ol.Oqiǧaǧa qatysty Türkıstan oblystyq polisiia departamentınıŋ basşysy tüsınıkteme berdı. Qazırgı taŋda jaǧdai baqylauǧa alynǧan, tiıstı tergeu şaralary jürgızılıp jatyr.
«Atalǧan jait boiynşa Türkıstan oblysy polisiia departamentınıŋ bılıktı tergeuşılerımen QR QK-nıŋ 105-baby «Özın-özı öltıruge deiın jetkızu» boiynşa sotqa deiıngı tergeu jūmystary jürgızılude jäne qajettı degen barlyq jan-jaqty şaralar jüzege asyryluda. Onyŋ ışınde mektep ūjymynan, mūǧalımder men oquşylar arasynda jauaptar alynuda. Tiıstı saraptamalar da taǧaiyndaldy. Istıŋ zaŋ aiasynda jürgızıluı qadaǧalauda», – deidı Türkıstan oblysy polisiia departamentınıŋ basşysy Q.Dalbekov.
"Adyrna" ūlttyq portaly
