Salvadorda abaisyzda qūrsaǧynda balasyn öltırıp alǧan Sara Rogel esımdı äiel 30 jylǧa türmege qamalǧan, dep habarlaidy «Adyrna» ūlttyq portaly Stan.kz saityna sılteme jasap.
Sara Rogel 2012 jyly kiım juyp jürıp, aiaǧy taiyp, qūlap ketken körınedı. Saldarynan onyŋ qūrsaǧyndaǧy bala şetınep ketken.
Köp qan joǧaltqan kelınşek auruhanaǧa tüsedı. Saraptama nätijesınde balanyŋ basyna zaqym kelgenı anyqtalǧan. Mamandar balanyŋ abaisyzda şetınep ketkenıne senbei, Saraǧa qasaqana säbiın öltırdı degen aiyp taǧylady. Artynşa sudia kınälı dep tauyp, 30 jylǧa bas bostandyǧynan aiyrǧan.
Jaqynda 10 jylyn türmede ötkızgen kelınşektı sudia merzımnen būryn bosatu turaly şeşım qabyldapty. Desek te onyŋ ükımıne prokuror qarsy şyǧyp, apelliasiiaǧa beretının mälımdegen.
«Bız ony 10 jyl boiy küttık, qyzymyzdy körmei 10 jyl ömır sürdık», - dedı Saranyŋ äkesı Anhel Rogle.Aita keteiık, Salvodar abortqa qatysty eŋ qatal jaza qarastyrylǧan memleket. Būl elde abort jasauǧa tyiym salynǧan, al älı tumaǧan balany öltıru auyr qylmys bolyp esepteledı. Qazırgı taŋda memlekettık mūndai qatal zaŋdaryna BŪŪ syndy halyqaralyq ūiymdar qarsylyq bıldırude.
"Adyrna" ūlttyq portaly
