Balasyn abaısyzda túsirip alǵan áıel 30 jylǵa túrmege qamalǵan

2284
Adyrna.kz Telegram

Salvadorda abaısyzda qursaǵynda balasyn óltirip alǵan Sara Rogel esimdi áıel 30 jylǵa túrmege qamalǵan, dep habarlaıdy «Adyrna» ulttyq portaly Stan.kz saıtyna silteme jasap.

Sara Rogel 2012 jyly kıim jýyp júrip, aıaǵy taıyp, qulap ketken kórinedi. Saldarynan onyń qursaǵyndaǵy bala shetinep ketken.

Kóp qan joǵaltqan kelinshek aýrýhanaǵa túsedi. Saraptama nátıjesinde balanyń basyna zaqym kelgeni anyqtalǵan. Mamandar balanyń abaısyzda shetinep ketkenine senbeı, Saraǵa qasaqana sábıin óltirdi degen aıyp taǵylady. Artynsha sýdıa kináli dep taýyp, 30 jylǵa bas bostandyǵynan aıyrǵan.

Jaqynda 10 jylyn túrmede ótkizgen kelinshekti sýdıa merzimnen buryn bosatý týraly sheshim qabyldapty. Desek te onyń úkimine prokýror qarsy shyǵyp, apellıaııaǵa beretinin málimdegen.

«Biz ony 10 jyl boıy kúttik, qyzymyzdy kórmeı 10 jyl ómir súrdik», - dedi Saranyń ákesi Anhel Rogle.

Aıta keteıik, Salvodar abortqa qatysty eń qatal jaza qarastyrylǵan memleket. Bul elde abort jasaýǵa tyıym salynǵan, al áli týmaǵan balany óltirý aýyr qylmys bolyp esepteledi. Qazirgi tańda memlekettik mundaı qatal zańdaryna BUU syndy halyqaralyq uıymdar qarsylyq bildirýde.

"Adyrna" ulttyq portaly

Pikirler