QR Parlamenti Májilisiniń tóraǵasy Nurlan Nyǵmatýlın Densaýlyq saqtaý mınıstri Alekseı oıǵa óz vedomstvasy jumysynyń olqylyǵyn bilý úshin emhanaǵa baryp, halyqpen sóılesýdi usyndy, dep habarlaıdy «Adyrna» tilshisi zakon.kz-ke silteme jasap.
«Qurmetti mınıstr myrza, Sizge eldiń aldyna shyǵatyn ýaqyt keldi. Sanıtarlyq dárigerdiń qaýlysy arqyly adamdarmen "sóılesýdi" toqtatyńyz. Aýrýhanaǵa, emhanaǵa baryńyz, laj bolsa, aýdandyqqa. Onda kezekte turǵan adamdarmen sóılesińiz. Sol kezde medıınalyq kómektiń sapasy týraly kóp nárse bile alasyz dep oılaımyn»,– dedi Májilis spıkeri úkimettiń 2020 jylǵa arnalǵan respýblıkalyq bıýdjettiń atqarylýy týraly esebin talqylaý kezinde.
Nurlan Nyǵmatýlın mınıstrden tezirek jınaqtalyp, adamdarmen, jýrnalıstermen qarym-qatynasty durys ornatýǵa tyrysýdy surady.
«Alekseı Vladımırovıch, qazir densaýlyq saqtaý júıesine ońaı bolyp jatpaǵanyn, bári de qordalanyp qalǵanyn túsinemiz. Biraq abyrjýdyń ýaqyty ótti, endi jınaqtalatyn ýaqyt keldi. Kommýnıkaııa ornatyńyz, Ortalyq kommýnıkaııalar qyzmeti dep atalatyn zal arqyly ǵana emes. Qaǵazdan nemese sýflerden oqyp bere salasyz, sodan soń kete beresiz, jýrnalısterdiń qoıǵan suraqtarynyń jartysyna jaýap te bermeısiz. Baryp, adamdarmen sóılesińiz, biz kim úshin jumys istep jatyrmyz munda? Olar bizdiń saılaýshylarymyz. El basshylyǵy sizdi qoldady, Parlament sizdi qoldady, mınıstrlikke buryn-sońdy bolmaǵan qarajat bólindi, jumys jasaıtyn kez keldi»,—dedi Palata tóraǵasy.
Aıta keteıik, búgin úkimet pen esep komıtetiniń 2020 jylǵa arnalǵan respýblıkalyq bıýdjettiń atqarylýy boıynsha esep Májiliste talqylanyp jatyr.
«Adyrna» ulttyq portaly
