Aımaǵambetov paraqor dırektorlardyń bar ekenin aıtty

3049
Adyrna.kz Telegram

QR Bilim jáne ǵylym mınıstri Ashat Aımaǵambetov eldegi mektep dırektorlarynyń para alatynyn moıyndady. Bas pedagog orta bilim mekemeleriniń basshylary ásirese qol astyna muǵalimderdi qabyldaǵanda ekonomıkalyq qylmysqa barady deıdi. Bul «shyndyqty bárimiz bilemiz» degen mınıstr, ózi jaýapty saladaǵy osyndaı bylyqtardy zań normalarymen sheshýge tyrysqanyn da aıtty. Iaǵnı jańa muǵalimdi jumysqa alarda mektep basshysy onymen burynǵydaı tikeleı kezdespeıdi. Aldymen konkýrs jarııalanyp, úmitkerge qoıylatyn talaptar jazylmaq. Eger maman saı kelse, komıssııa ony ustazdyqqa alý-almaý týraly sońǵy sheshim shyǵarady. Bul týraly «Adyrna» ulttyq portaly «Eýrazııa» birinshi arnasyna silteme jasap habarlaıdy.

«Ártúrli alyp-qashpa sóz bar, biraq ony alyp-qashpa sóz deımiz be, kelisemiz be, kelispeımiz be, shyndyqty bárimiz bilemiz. Ómirde qandaı jaǵdaılar bolyp jatqanyn kórip júrmiz, sondyqtan, ondaı máselelerdiń, táýekelderdiń baryn moıyndaýymyz kerek jáne biz ony bilemiz», - deıdi Ashat Aımaǵambetov.

Ashat Aımaǵambetov ondaǵan jyldar boıy bir orynda tapjylaı otyratyn mektep basshylary týraly da aıtty. Mınıstr qansha tolqyn aýyssa da sharshamastan bilim ordasynda óktemdik júrgizýge úırenip qalǵan dırektorlar oblystaǵy áriptesiniń ornyna jiberilýi múmkin dedi. Aýys-túıis jaıy qazir arnaıy ortada talqylanyp jatqan kórinedi. Eger ol maquldansa, eskiden kele jatqan mamandar jyly ornyn basqa mektepke aýystyrýǵa daıyn bolýy kerek.

"Adyrna" ulttyq portaly

Pikirler