Ukraina Şyǧys Europadaǧy NATO elderı äskerınıŋ oqu-jattyǧularyna arnalǧan eŋ ülken poligonǧa ainalyp keledı. Osy jyldyŋ özınde mūnda 11 myŋ şeteldık äskeri qyzmetşınıŋ qatysuymen jetı köpūltty oqu-jattyǧu ötedı, dep jazdy RİA Novosti.
AQŞ (Rapid Trident 2021 jäne Sea Breeze 2021), Ūlybritaniia (Kozak Mace 2021 jäne Warrior Watcher 2021), Polşa ("Tri Mecha — 2021" jäne Silver Saber 2021) jäne Rumyniiamen (Riverine 2021) bırlesken manevrler Ukraina aumaǧynda ötedı dep josparlanyp otyr.
Alaida keibır sarapşylar NATO äskerın Ukraina aumaǧynda ornalastyru memlekettıŋ täuelsızdıgıne jäne aimaqtyq bırtūtastyǧyna qauıp töndıruı mümkın dep sanaidy. AQŞ pen NATO-nyŋ basqa elderı de Ukrainada ornalasu punkterı jüiesın qūryp jatyr. Olardy tolyqqandy äskeri bazaǧa ainaldyru tük emes. Būl äreketer Mäskeudı bırşama alaŋdatyp otyr.
RİA Novosti saualnama alǧan äskeri sarapşylar Ukraina būl jaǧdaidyŋ Reseimen qaruly qaqtyǧysqa deiın uşyǧuyna jol bermeuı kerek dep sanaidy.
"Äskeri jäne ekonomikalyq äleuetter teŋ emes, - deidı Sokolov. – Būl mäselede arandatu da köp. Äitse de naǧyz ūltşyl azamattardyŋ özınde jaǧdaidy uşyqtyrmau, özın-özı qorǧau instinktı qosylady dep oilaimyn".Iаdrolyq derjava sanalatyn memleketke şabuyl jasau üşınşı düniejüzılık soǧysqa äkep soǧatynyn bügınde barlyǧy jaqsy tüsınedı. Būl soǧysta jeŋgender men jeŋılgender bolmaityny anyq.
"Baiden Reseige aşyq soǧysqa barmaidy. Alaida Ukraina baǧytynda bırqatar qarajat salyp otyrǧandyqtan, būl tarapty öz paidasyna qoldana beredı. Onyŋ üstıne būl qarsylastyq Europaǧa da oŋai timeitını anyq. Qazırgı Europa bes jyl būrynǧy qūrlyqtan mülde basqa" – deidı Äskeri ǧylymdar akademiiasynyŋ müşesı Sergei Sudakov.Rasynda da Europa keŋıstıgınde jaǧdai baiaǧydai emes. Būrynǧy Varşava kelısımı elderı men Baltyq maŋy halqy da orystardy älemnıŋ jauy retınde sanaudy doǧarǧan. Mūny Vaşington da tüsınıp otyr.
"Aldaǧy uaqytta ötetın Baiden men Putinnıŋ kezdesuı batys älemnıŋ köşbasşysy retınde AQŞ-tyŋ saiasatty özgertetın uaqyt kelgenın tüsıngenın bıldıredı. Amerikalyqtar Reseige qatysty negızgı ūstanymdarynan bas tartpaǧanymen, ekonomika men halyqaralyq özara ıs-äreket baǧytyndaǧy problemalardy jeŋıldetu ädısterın ūsynady. Vaşington üşın qazır alians boiynşa odaqtastarynan aiyrylyp qalmau maŋyzdy", - deidı saiasattanuşy.Būl nūsqany NATO-nyŋ Ukrainadaǧy joǧary äskeri belsendılıgı de rastap otyr. Beinebır kelıssözder pozisiiasyn kez kelgen uaqytta küş qoldanuǧa özgerte alatyn aibatty körsetu sekıldı.
