Tipti jaqyn adamdaryńyzǵa aıtýǵa bolmaıtyn 3 qupııa

1377

«Basqa bále tilden» dep qazaq beker aıtpaǵan. Adamdy demeıtin de, jebeıtin de, jylatatyn da, jubatatyn da – sóz. Eger siz óz júregińizdegi qupııalaryńyzdy ózgelerge tym kóp ashatyn bolsańyz, jeke ómirińizge jáne otbasylyq ómirińizge zııany tıip ketýi bek múmkin. Sondyqtan keı áńgimelerdi, keıbir syrlaryńyzdy tipti jaqyn adamdaryńyzdan jasyryp qalǵanyńyz abzal. Bul týraly «Adyrna» tilshisi tarqatyp bermek.

Balalarǵa qatysty áńgimeler

Analar balalarynyń densaýlyǵy týraly, mektebi jáne josparlary jóninde suraǵanda bárin ashyp aıtýdyń qajeti joq. Árıne dórekilik tanytpaý kerek. Biraq balalaryńyzdyń josparlary týraly ózgelerge aıtyp kerek emes. Suraǵan janǵa, jalpylama túrde jaýap bere salǵanyńyz durys.

Ezoterıkter (ishki tabıǵaty bir jandar) óz nusqalaryn usyndy. Eger sizden balalaryńyz týraly aqparatty suraǵan adam sizdiń jaqynyńyz bolsa, onda oǵan dórekilik tanytpaı jaı ǵana taqyrypty óziniń balalaryna nemese jeke ómirine qatysty arnaǵa burǵanyńyz jón. Mysaly: «bizdikiler jaqsy, aqyryndap ósip jatyr ǵoı, ózińde qalaı?», dep.

Al eger áńgimelesip jatqan adamyńyz balalaryna qatysty kóptegen máselelerin aıta bastasa, áńgimeni jumsartyp kórińiz. Eshqashan onyń balalaryna til tıgizbeńiz. Balalaryn qosa sóger bolsańyz, onda onyń berip jatqan tárbıesin de quptamaǵandaı bolýyńyz múmkin. Odan soń sizdiń tarapyńyzǵa túrli negatıvter aıtylýy da ǵajap emes.

Qyzdar arasynda qarym-qatynas týraly

Jigit pen qyz arasyndaǵy mahabbat týraly, sol eki keıipkerden ózge eshkim bilmegeni nur ústine nur. Arada máseleler, bir-birine unamaıtyn tustar, urysýlar, túsinispeýshilikter týyndaǵan jaǵdaıda ony úshinshi bir adam kelip túzete almaıtyny anyq.

Ótken nemese dál qazir oryn alyp jatqan qarym-qatynasta jigitińizdi/qyzyńyzdy jamandap, jaǵymsyz jaqtaryn basqa adamǵa, tipti jaqynyńyzǵa aıtý arqyly siz óz talǵamyńyzdy tómendetip, ózińizdiń qadirińizdi de ketiresiz. Ekinshi jartyńyz minsiz jan bolmasa da, ol týraly qurbyńyzǵa, dosyńyzǵa, anańyzǵa, ápkeńizge, ujymdasyńyzǵa da tis jarmańyz.

Birinshiden, siz jaqyn qarym-qatynasta bolǵan adamyńyzdy jamandaý arqyly siz ózińizdi de baıqamastan qorlaýyńyz múmkin. Ekinshiden, siz sózsiz ósekshilerdiń basty áńgimesine qalasyz. Siz jaqynym dep syr shertken jandardyń qaısybireýi bolmasyn qupııańyzdy ózgelerge aıtyp qoımasyna kim kepil?! Úshinshiden, qarym-qatynasta jolyńyz bolmaǵanyn bilgen báz bireýler siz jamandaǵan ekinshi jartyńyzǵa kóz salýy múmkin.

Ózgeniń qupııasynan aýlaq bolyńyz

Óz qupııańyzdy bógde qulaqqa aıtýdyń qajetsiz ekendigi sekildi, siz de ózgeniń qupııasynan aýlaq bolýyńyz kerek. Olardy bilgennen keıin siz árqashan bireýmen jańalyqtar bóliskińiz keledi. Eger kúnderdiń kúninde ańdaýsyzda bireýdiń sizge aıtqan qupııasynyń basy ashylyp qalar bolsa, onda ony úshinshi adamnan jasyryp qalý, tipti qıynǵa soǵady.

Qoǵamda ósekshilerdi qurmettemeıdi, olarmen sırek aralasyp, ádette adamdar olardan aýlaq bolady. Ósekteýdiń túbi, jaqyn adamdaryńyzdyń birimen sózge kelip, uryspen de aıaqtalýy bek múmkin. Sondyqtan, eger sizdiń dos qyzyńyzdyń nemese týysqandaryńyzdyń bireýi sizge basqa adamdy ǵaıbattaı bastasa, taqyrypty ózgertip, ózgeniń syryn bilýden jaltarǵanyńyz durys bolady.

Senimdi adam jáne syıly dos retinde bedelge ıe bolý qıyn jáne jaýapty qadam. Biraq siz sol qasyqtap jınaǵan abyroıyńyzdy, bedelińizdi bir-aq sátte joǵaltýyńyz ǵajap emes. «Ańdamaı sóılegen, aýyrmaı óledi» degendeı , ózge adamdarmen áńgimeleskende, sóıleskende, syr shertiskende ár sózińizge muqııat bolyńyz.

«Adyrna» ulttyq portaly

Pikirler
Uqsas jańalyqtar