Ashat Aimaǧambetov ūstazdarǧa hat jazdy

«Qymbatty ärıptesım! Mıne, barşamyz üşın qiyn ärı erekşe bolǧan oqu jyly da öz märesıne jettı. Būl oqu jyly aianbai qyzmet etken är mūǧalımnıŋ eren eŋbegımen jäne erlıgımen esımızde qalary sözsız. Mektepterge müldem jaŋa oqytu ädısterıne köşu oŋaiǧa soqpaǧanyn bärı bırdei tüsıne bermeidı. Ökınışke orai, bız dästürlı oqytu formatyna tolyqtai köşe almadyq. Pandemiianyŋ saldary bılım beru jüiesıne älı de äser etetını anyq. Degenmen, Sız barlyq qiyndyq pen syn-tegeurınderge qaramastan, sabaqtaryŋyzdy ūtymdy ūiymdastyryp, mümkındıgınşe jaqsy nätije körsete aldyŋyz. Sız ūstaz mamandyǧynyŋ sezımtaldyq, balalarǧa degen qamqorlyq jäne adamgerşılık syndy eŋ jaqsy qasietterın tanytudyŋ jarqyn ülgısıne ainaldyŋyz. Alaida, jūmsalǧan küş-jıgerge qaramastan, qaşyqtan oqytu kezınde ärtürlı sebepterge bailanysty artta qalǧan balalardyŋ bılımderı men basqa oquşylardyŋ bılım deŋgeiın salystyrǧanda alşaqtyq baiqalady. Būl jaǧdaidyŋ oryn alǧanyna balalar kınälı me? Ärine, balalardyŋ eş kınäsı joq. Olar dästürlı formatta bılım alsa, Sızdıŋ qoldauyŋyzdy sezınıp, özderın körsete alar edı dep senemın»,–dedı ol.

«Olarǧa būl olqylyqtardyŋ ornyn toltyru üşın mümkındık beruımız kerek pe? Älbette. Men, sızdıŋ ärıptesıŋız retınde, mamandyǧymyzǧa tän qasiet - ızgılıkke ūmtylyp, şäkırtterıŋızge kömek qolyn sozuyŋyzdy sūraimyn. Jıgerlı ärı alǧyr mektep oquşylarymen jūmys ısteu oŋaiyraq. Degenmen, pandemiiaǧa bailanysty oqu baǧdarlamasynan qalyp qoiǧan oquşylarmen jūmys jasau oŋai emes. Oquşylardyŋ bılımı boiynşa artta qaluy olardyŋ mümkındıkterı sondai degen söz emes. Bılım berudegı olqylyqtardy qiyn jaǧdai men oquşylardy jıgerlendıru deŋgeiınıŋ jetkılıksızdıgımen sipattauǧa bolady. Mūndai balalar qazır barlyq nazarymyzdy qajet etedı. Olardyŋ äleuetı zor. Sondyqtan balalarymyzǧa qoldau körsetuımız kerek. Büldırşınderımızdı öz qamqorlyǧyŋyzǧa alyp, qiyndyqtarǧa qaramastan olqylyqtardyŋ ornyn qosymşa sabaqtar ötkızu arqyly toltyrasyzdar dep ümıttenemın. Menıŋ būl ötınışımdı qabyl aluyŋyzdy sūraimyn. Sonymen bırge Sızdı jazǧy mektepterdıŋ jūmysyna 26 mamyr - 20 mausym aralyǧynda belsene qatysuǧa şaqyramyn. Osy jyly soŋǧy qoŋyrau merekesınde erekşe sezımge bölengenıŋızdı bılemın. Öitkenı, bır jaǧynan oqu jyly aiaqtalyp jatsa, ekınşı jaǧynan - jazǧy mektepter jūmys ıstei bastady. Bız mūndai jaǧdaidyŋ qaitalanbauy üşın qoldan kelgennıŋ bärın jasaityn bolamyz. Qaşyqtan bılım beru kezınde ärıptesterım äleumettık jelılerdı belsendı ärı erkın meŋgere bastap, öz sabaqtaryna oiyn elementterın engıze bastaǧanyn erekşe atap ötkım keledı. Bız, ärine, osyndai käsıpqoi mamandarymyzdy ünemı qoldap, olardy basqalar üşın ülgı etemız. Būl ürdıs ūmytylmai, kerısınşe, odan da ülken äserge ie bolady dep ümıttenemın. Oquşylarǧa tärbie beru mäselesı mūǧalım jūmysynda öte maŋyzdy, sol sebeptı būl baǧytta ata-analarmen bırlese jūmys jasaluy tiıs. Sız balamen onyŋ janynda otbasy men jaqyndary bolmaityn böten ortada jūmys jasap, oquşynyŋ boiynda boluy mümkın problemalary turaly ata-analaryna der kezınde aita alasyz. Bala otbasynda da, mektepte de oǧan basa nazar audarylatynyn sezınuı kerek. Būǧan tek ata-analarmen tyǧyz bailanysta, olarmen teŋ jäne serıktestık qarym-qatynas qūru arqyly qol jetkızuge bolady. Balalardyŋ qyzyǧuşylyǧyn oiatyp, olardy qatelıkterı üşın aiyptamaŋyz. Kerısınşe, oryn alǧan qatelıkterın tüzetuge kömektesıŋız. Soŋy sättılıkke ūlaspaǧan äreketterınen keiın ümıt pen senımdı joǧaltpauǧa üiretıŋız. Balalar özgeşe oilap, öz pıkırın bıldırgenderı üşın olardyŋ ūpailaryn tömendetpeŋız. Qazır balalarymyz olarǧa barynşa tüsınıstıkpen qaraǧanymyzdy asa qajet etedı. Olarǧa mahabbat pen qamqorlyq qajet. Bız büldırşınderımızdıŋ mektepke baryp, bılım alǧandaryn qalaimyz. Sonymen qatar balalarymyzdy basqalarmen salystyrǧanymyzdy toqtatu kerek. Pandemiia jaǧdaiy mūǧalımnıŋ basty qyzmetı tek aqparat beru emes, sondai-aq onyŋ basqa da mındetterın aiqyndap berdı. Atap aitsaq, balalarǧa qoldau körsetu, janaşyrlyq tanytu, olardy yntalandyru, kömek qolyn sozyp, tälımger bolu. Bügıngınıŋ balalary müldem özgeşe, olar özderın erkın ūstaidy. Endıgı kezekte olardyŋ boilaryndaǧy jaqsy qasietterdı saqtap, odan ärı damytu - bızdıŋ basty mındetımız. Qymbatty ärıptes! Hatymdy aiaqtai otyryp, Sızdı vaksinasiia nauqanynda belsendı azamattyq ūstanymyŋyzdy tanytyp, vaksinasiia turaly ǧylymi derekterdı taratu barysynda kömek körsetuıŋızdı sūraimyn. Sondai-aq atalǧan taqyryp aiasyndaǧy jalǧan aqparatpen küresuge şaqyramyn. Men oqytudyŋ dästürlı formatyn qoldaimyn jäne büldırşınderımız üşın mektep esıkterı aiqara aşylady dep ümıttenemın. Halyq vaksinasiia nauqanyna neǧūrlym belsendı qatyssa, ädettegı ömır yrǧaǧyna soǧūrlym tezırek oralatynymyz sözsız. El Prezidentı Qasym-Jomart Kemelūly Toqaevtyŋ tūraqty qoldauynyŋ arqasynda pandemiia zardaptaryn azaitu mümkındıgıne ie boldyq. Qiyndyqtardy eŋserıp, oqu ürdısın qamtamasyz ete aldyq. Osy qiyn-qystau kezeŋde men Sızben bırlese otyryp, jūmys ısteu qūrmetıne ie boldym. Osy rette tüsınıstık tanytyp, qoldau körsetkenıŋız üşın jäne adal qyzmetıŋız üşın alǧys bıldıremın! Baǧa jetpes ūstazdyq eŋbegıŋız üşın, jankeştı jūmysyŋyz ben kez kelgen uaqytta balalarymyzǧa tıreu boluǧa degen ızgı nietıŋız üşın raqmet! Sız – naǧyz batyr, biylǧy oqu jylynyŋ basty keiıpkerı atandyŋyz. Sızge sättılık, myqty densaulyq tıleimın! Özıŋız ben jaqyndaryŋyzǧa janaşyr bolyŋyz! Jazǧy demalys kezınde jaqsy demalyp, jaŋa oqu jylyna küş-quatpen oraluyŋyzdy tıleimın. Jaŋa oqu jylynda jolyqqanşa!»,– dep sözın qorytyndylady Aimaǧambetov.

«Adyrna» ūlttyq portaly