Bügın QR Bılım jäne ǧylym ministrı Ashat Aimaǧambetov 39 jasqa toldy, dep habarlaidy «Adyrna» tılşısı.
Ashat Aimaǧambetov 1982 jyly Qaraǧandy oblysynda düniege kelgen. «Tarihşy, tarih pänınıŋ ūstazy» jäne «qūqyqtanu» mamandyqtary boiynşa ekı joǧarǧy bılımı bar. Eŋbek jolyn 2002-şı jyly E.A. Böketov atyndaǧy QarMU-de bastaǧan.
«Aŋsar» Jastar ligasyn basqarǧan. Ekı märte Qaraǧandy qalalyq mäslihatynda özın özı ūsynuşy retınde deputat bolyp sailanǧan.
2012 jyldan bastap memlekettık qyzmette jūmys ısteidı. Nūra audany äkımınıŋ orynbasary, Qaraǧandy oblysy Bılım basqarmasynyŋ basşysy qyzmetterın atqardy. 2017 jyldyŋ tamyzynan bastap ministr taǧaiyndauyna deiın Bılım jäne ǧylym vise-ministrı lauazymynda bolyp, mektepke deiıngı jäne orta bılım, sondai-aq joǧarǧy bılım men ǧylym mäselelerıne jetekşılık etken.
«Adyrna» ūlttyq portaly
