Qazaqstannyŋ bas memlekettık sanitariia därıgerı Erlan Qiiasov qazaqstandyqtarǧa ündeu joldady. Onyŋ sözderı Ükımet janyndaǧy COVID-19 taraluyna jol bermeu jönındegı vedomstvoaralyq komissiianyŋ (VAK) Telegram-arnasynda jariialandy, dep habarlaidy «Adyrna» ūlttyq portaly Tengrinews.kz saityna sılteme jasap.
«Älem elderın ındettıŋ qaita taraluy alaŋdatyp otyr. COVID-19 virusynyŋ üşınşı tolqyny bolady degen qauıp tuyndady. Äsırese, vaksinasiia deŋgeiı baiau elderde virusty jūqtyru körsetkışı kürt artty. Jer jüzınde 176 millionnan astam adam virus jūqtyrdy, kün saiyn 290 myŋnan asa jaŋa derek tırkelıp otyr. 3,8 millionnan astam adam köz jūmdy. Qazaqstanmen şekaralas aimaqtarda qalyptasqan qauıptı jaǧdai bızdı alaŋdatyp otyr. Resei men Qyrǧyzstanda auru taralu körsetkışı ötken jyldan da asyp tüstı», - delıngen Qiiasovtyŋ mälımdemesınde.Bas memlekettık sanitariia därıgerı Qazaqstannyŋ qazırgı epidemiologiialyq ahualy tūraqty, tūrǧyndar arasynda virus jūqtyru tömendegenın aitty.
«Alaida jaz ailarynda bızdıŋ köptegen otandasymyz alys-jaqyndaǧy şet memleketterge baryp demaluǧa aǧylady. Sonyŋ ışınde, SOVID-19-dyŋ taraluy boiynşa epidemiologiialyq ahauly alaŋdatarlyq elder de bar. Mūny eskermeuge bolmaidy. Şetelde demaluǧa niettı azamattardy özınıŋ jäne jaqyndarynyŋ qauıpsızdıgın qamtamasyz etuge şaqyramyn. Vaksinasiia sızdıŋ aǧzaŋyzdyŋ virusqa qarsy qorǧanyşyn qamtamasyz etıp, saiahatty qauıpsız ötkızuge mümkındık beredı. Jazǧy demalysty alaŋdamai, oidaǧydai ötkızu üşın COVID-19-ǧa qarsy ekpe alyŋyz. Vaksinasiia sızge äuejailarda eş qiyndyqsyz elge oraluyŋyzǧa, ärı özıŋız ben jaqyndaryŋyzdy qauıpsız sezınuıŋızge mümkındık beredı», - dedı Erlan Qiiasov."Adyrna" ūlttyq portaly
