Şymkent qalasynyŋ äkımı Mūrat Äitenov 1 mausym – Halyqaralyq balalardy qorǧau künı merekesıne orai dendrosaiabaq alaŋynda halyqaralyq, resublikalyq olimpiadalar men ǧylymi, sport, öner jarystarynyŋ jeŋımpazdarymen kezdestı. Onyŋ ışınde 18 oquşy jalpy bılım beretın pänder boiynşa respublikalyq olimpiada jüldegerı, 33 oquşy jalpy bılım beretın pänder boiynşa halyqaralyq jäne respublikalyq ǧylymi jobalardyŋ jeŋımpazdary. Aşyq aspan astyndaǧy jiynda qala äkımı qūttyqtau söz söilep, balalarmen erkın formatta sūqbattasty.
Şymkentte täuelsızdık jyldaryna deiın 51 balabaqşa, 68 orta mektep bar bolǧan bolsa, qazır balabaqşa – 526, mektep sany 186-ǧa jettı. Otyz jylda 68 myŋnan astam oryndyq 98 zamanaui ülgıdegı bılım oşaǧy salynyp, 85%-na kürdelı jöndeu jūmystary jürgızılıp üş auysymdy, apatty mektepterdıŋ özektı mäselelerı oŋ şeşımın tabuda. Sonymen bırge, osy jyldary daryndy balalarǧa arnalǧan üş tılde oqytatyn mektepter, Nazarbaev Ziiatkerlık mektepter jelısı qūryldy.
Qala äkımı jas örenderge artylar senımnıŋ zor ekendıgın aita ötıp, özınıŋ balalyq estelıkterımen bölıstı.
«Bızder özderıŋe sapaly bılım, sanaly tärbie beru üşın barlyq jaǧdaidy jasap kelemız. Qalada jyl saiyn bala sany artuymen, salynyp jatqan mektepterdıŋ ülesın de köbeittık. Elımızdegı kez kelgen säbi memleket qorǧauynda. Bılımdı, önerlı adam qaşan da öz jolyn adaspai tabady. Jazǧy demalystaryŋ qyzyqty ötsın» - dep tılek bıldırdı.
Şymkent qalasy äkımdıgınıŋ baspasöz qyzmetı
