Şymkent qalasynyŋ 1000-ǧa juyq azamaty jyl basynan berı elımızdıŋ türlı şipajailarynda tegın emdeldı. Onyŋ ışınde 736 joldama zeinet jasyndaǧylarǧa, 393 joldama mügedektıgı bar azamattarǧa berılgen.
Bügınde taǧy 4 myŋǧa juyq mümkındıgı şekteulı azamattarǧa joldama beru josparlanuda. Būl turaly qalalyq jūmyspen qamtu jäne äleumettık qorǧau basqarmasy mälımdedı.
Biyl qaŋtar aiynan bastap «Äleumettık portal» arqyly mügedektıgı bar azamattar üiınde otyryp-aq öz taŋdauy boiynşa qalaǧan şipajaiyna tegın joldama ala alady. Aita keteiık, mügedek azamattyŋ jeke oŋaltu baǧdarlamasynda sanatorlyq-kurorttyq emdelu bolǧan jaǧdaida ǧana 14 kün tegın em qabyldaidy.
Basqarmanyŋ mälımetınşe, Ūly Otan soǧysy ardagerlerıne jäne olarǧa teŋestırılgen azamattarǧa, tyl ardagerlerıne, zeinet jasyndaǧy «Altyn alqa», «Kümıs alqa» ielerı şipajaida qyzmet türın 100 paiyz tegın alady. Al zeinet jasyndaǧy azamattarǧa joldama qūnynyŋ 50 paiyzyn töleumen berıledı. Iаǧni, memleket tarapynan 6 kün tegın qyzmet alyp, ūnaǧan jaǧdaida qalǧan 6 künnıŋ aqysyn öz qaltasynan tölep şipajaida qalsa bolady.
Biyl Şymkent qalasynda ornalasqan «Densaulyq» şipajaiy men Tülkıbas audanyndaǧy «Aqsu-Jabaǧyly» jäne Taraz qalasyndaǧy «Aişa bibı» şipajailary qyzmet körsetude. Şipajailardaǧy em-dom jūmystary memlekettık tapsyrys aiasynda jüzege asyrylady. Ol üşın qalalyq jūmyspen qamtu jäne äleumettık qorǧau basqarmasyna, S.Bäiterekov köşesı 89, mekenjaiy boiynşa ötınım qaldyru kerek. Joldama kezek boiynşa taratylady. Kezekke tūru üşın jeke kuälıgı men 068 nysanyndaǧy anyqtama qajet.
Şymkent qalasy äkımdıgınıŋ baspasöz qyzmetı
