Türkıstan qalasynda taǧy da şu şyqty. Qalanyŋ ışkı saiasaty tūraqsyzdanyp, halyq köterıluı köbeiıp tūr. Byltyr da däl osylai tūrǧyndar oblys äkımdıgıne jaiau şyqqan bolatyn. Būl turaly Qalamqas Botabekova atty jelı qoldanuşysy Facebook paraqşasynda jazdy, dep habarlaidy «Adyrna» ūlttyq portaly.
Ol halyqtyŋ köterıluıne Türkıstan qalasynyŋ bailanys ortalyǧy resmi jauap bergenın aitty.
«Qalamqas Botabekova, Qaiyrly kün! 2005-2006j.j. Türkıstan qalasy, Iаssy auyldyq okrugı äkımdıgınıŋ şeşımderımen jeke tūrǧyn üi qūrylysyn jürgızu üşın 243 azamatqa jer telımderı berılgen. Alaida Türkıstan qalasy äkımdıgınıŋ «Jer qatynastary bölımı» onyŋ ışınde 181 şeşımnıŋ mūraǧatta tübırı bolmaǧanyn anyqtaǧan. Osynyŋ negızınde atalǧan şeşımder Iаssy auyl okrugı äkımınıŋ şeşımımen qaita būzylǧan. Būl jaǧdai tūrǧyndardyŋ infraqūrylym jüielerıne (tabiǧi gaz, jaryq, auyz su) qosyla almauyna äkep soqqan. Qazırgı taŋda, tuyndaǧan mäselenı tüpkılıktı şeşu maqsatynda jergılıktı tūrǧyndar men qala äkımdıgınıŋ lauazymdy tūlǧalary arasynan jūmys toby qūryldy. Jūmys tobynyŋ mındetıne: Bekzat möltek audanyndaǧy zaŋdastyrylmaǧan jer telımderın tügendeu, tızımderın qalyptastyru, qūjattardy jinaqtau, Qazaqstan Respublikasy Azamattyq kodekstıŋ 244-baby 3-tarmaǧyna säikes sotqa jügınu üşın talap-aryzdyŋ jobasyn daiyndau jäne t.b. kıredı. Bügıngı jaǧdai boiynşa qala äkımı Nūrbol Tūraşbekov tūrǧyndardy qabyldap, ötınışterın tyŋdady. Tuyndaǧan mäselenıŋ zaŋ aiasynda şeşıluıne tiıstı jūmystar jürgızıletının mälımdedı. Istıŋ zerdelenuıne tūrǧyndar arasynan qoǧamdyq baqylau jürgızu maqsatynda belsendı 3 azamatty qatystyruǧa şeşım qabyldandy. Jinalǧan tūrǧyndar saǧat 10.00-de tolyǧymen tarqady. Qazırgı uaqytta saiasi ahual tūraqty», - delıngen jazbada.Videony osy sılteme boiynşa köre alasyz: https://www.facebook.com/100028635884738/videos/574678913496633/
"Adyrna" ūlttyq portaly
