Reseıde koronavırýstyń jańa tolqyny bastaldy. Búginde koronavırýstyń jańa jaǵdaılary elordada ótken jyldyń rekordtyq deńgeıine jaqyndady. Máskeý taǵy da koronavırýstyq demalys jarııalady jáne adamdarmen jumys isteıtinderdiń barlyǵyna mindetti vakınaııa týraly qaýly shyǵardy. Sankt-Peterbýrgte de jańa shekteýler engizildi. Aýrýdyń kóbeıýi eki qaladan basqa jerlerde de tirkelip jatyr. Reseılik BAQ úshinshi tolqynnyń bolashaqta emes, qazir bastalyp ketkenin aıtyp shýlap jatyr, dep habarlaıdy «Adyrna» ulttyq portaly.
Halyqtyń koronavırýs juqtyrý statıstıkasy qalaı ózgerdi?
Reseı koronavırýs indetin juqtyrýdyń shyńyna jetkendeı. Maýsym aıynyń aıaǵynda bir kúnde COVID-19 juqtyrǵandardyń sany 25 myńǵa jetýi múmkin. Bul týraly Sankt-Peterbýrg memlekettik ýnıversıtetiniń energetıkalyq júıelerdi matematıkalyq modeldeý kafedrasynyń meńgerýshisi, ýnıversıtettiń ıntellektýaldy logıstıka ortalyǵynyń bastyǵy Vıktor Zaharov aıtty.
COVID-19 aýrýy elde 5 maýsymnan bastap ósti. Keıingi eki aıda Reseıde koronavırýsty kúnine 7-8 myń adam juqtyrǵan bolsa, qazir ol 14 myńnan asty.
Matematıkalyq modeldi qoldanǵan ǵalymdar maýsym aıynyń sońyna qaraı bul kórsetkishtiń eki esege artýy múmkin ekendigin aıtty.
«Epıdemııanyń qazirgi tolqynynyń jańa jaǵdaılarynyń maksımaldy sany maýsym aıynyń sońynda tirkelýi múmkin - shamamen 25 myń. Bul jaǵdaıda epıdemııanyń sharyqtaý shegi shilde aıynyń ortasynda bolady», - dedi ǵalym.
Buǵan deıin Peterburg2 habarlaǵandaı, búginnen bastap Sankt-Peterbýrgte koronavırýsqa qarsy jańa shekteýler engiziledi. Saýda ortalyqtarynda fýd-korttar, balalarǵa arnalǵan oıyn-saýyq ortalyqtary jáne saýda oryndary jabyq bolady. Saǵat 2:00-den 6:00-ge deıin tamaqtaný mekemeleri úshin komendanttyq saǵat engiziledi.
Sonymen qatar soltústik astanada qoǵamdyq kólikterde maska rejıminiń saqtalýyna baqylaý kúsheıtildi. Maskanyń joqtyǵy úshin aıyppul (4000 rýbl) salynbaq.
Koronavırýstyń úshinshi tolqyny qashanǵa deıin sozylady?
Koronavırýs pandemııasynyń úshinshi tolqyny keminde bir aıǵa sozylýy múmkin. Bul týraly ınfekııalyq dáriger Evgenıı Tımakov aıtty.
Buǵan deıin Tımakov COVID-tiń úshinshi tolqyny sáýir aıynda bastalǵanyn, «aýrýdyń joǵarylaýyn eskere otyryp, sharalar qoldanylmasa jáne vırýsqa qarsy qosymsha sharalar qabyldanbasa, kúzdegideı ósimniń bolatynyn» eskertti.
«Qazir bizdiń kórip otyrǵanymyz - úshinshi tolqynnyń sharyqtaǵan jeri. Bul kórsetkishtiń kem degende bir aıǵa sozylyp ketýinen qorqamyn. Sebebi vırýs jaz mezgilinde burynǵydan da jyldam taralýy múmkin», - deıdi Tımakov.
"Adyrna" ulttyq portaly
