Óz tarıhynyń 86-shy jylyna qadam basqan qýyrshaq teatrlarynyń qara shańyraǵy, Almaty qalasynyń mádenı-tarıhı qundylyqtarynyń biri Memlekettik qýyrshaq teatrynyń shyǵarmashylyǵy qarqyndy damýda. Teatr elimizdegi demalyssyz jumys jasaıtyn ámbebap ujymǵa aınalǵan. Jaz mezgilinde de qala turǵyndary men qonaqtary nazaryna túrli tanymdyq qoıylymdar men qyzyqty is-sharalar ótkizýdi josparlap otyrǵan teatr ujymy repertýarlaryn túrli rejısserlik ınterpretaııalarǵa toly spektakldermen tolyqtyrýda. Jyldy eki jańa spektakldiń tusaýkeserimen bastaǵan qýyrshaqtyqtar 27 naýryz – Dúnıejúzilik teatr kúni merekesi qarsańynda Sh.Aıtmatov povesi jelisimen sahnalanǵan rejısser D.Jumabaevanyń «Ana – Jer ana» qoıylymymen «ERGÚÚ» qyrǵyz teatr syılyǵyn«Qyrǵyz avtorynyń shyǵarmasyn eń úzdik sahnalaǵan shet eldik teatr» nomınaııasyn jeńip aldy. Qyrǵyz Respýblıkasynyń «ERGÚÚ» ulttyq premııasynyń negizi 2014 jyly Teatr qaıratkerleri odaǵynyń bastaýymen jáne «Aıtysh» fondynyń qoldaýymen qalanǵan. Bul premııa Orta Azııa óńirindegi bedeldi teatr syılyqtarynyń biri bolyp sanalady. Teatrǵa shyǵarmashylyq shabyt syılaǵan júldeden soń, Tatarstan Respýblıkasy, Qazan qalasynda uıymdastyrylǵan «NAÝRÝZ» túrki halyqtarynyń festıvalinde óner ordasy «Men bir jumbaq adammyn... Abaı» (rej.: A.Zaıev) spektaklimen baq synaýda. Ulttyń uly oıshyly, aǵartýshy-ustaz Abaı Qunanbaıulynyń qara sózderine negizdelgen qoıylym qazaq mádenıeti men ádebıetiniń álem teatrlary sahnasyna jol tartýy úshin talmaı eńbektenýde.
Álemdik ahýalǵa baılanysty atalǵan óner báıgeleri onlaın túrde ótse, teatr ujymy RF, Sankt-Peterbýrg qalasyndaǵy «KÝKART» Halyqaralyq qýyrshaq teatrlary festıvalinde oflaın óner kórsetýge jol tartady. Festıval shymyldyǵy 22 maýsym kúni túrilse, Almaty Mádenıet basqarmasyna qarasty Memlekettik qýyrshaq teatry «Romeo men Djýletta» (rej.: D.Jumabaeva) spektaklimen 27 maýsym kúni, saǵat 17:00-de Zazerkale teatrynyń sahnasynda óner kórsetedi.
Kórermender sarapshylar nazaryna túrli baǵyttaǵy qoıylymdar usynatyn óner dodasy 1993 jyldan beri ótkizilip kele jatqan qaıyrymdylyq baǵyttaǵy kommerııalyq emes jalǵyz festıval. Túrli elder men halyqtar arasyndaǵy mádenı kópirge aınalǵan bıylǵy festıvalde Qytaı, Germanııa, Serbııa Estonııa, Tyva, Qazaqstan memleketteriniń jáne Sankt-Peterbýrg, Máskeý qalalarynyń óner oshaqtary óz qoıylymdaryn usynady. Festıval aıasynda kórsetiletin teatrlyq jobalar, arnaıy kórsetilimder men negizgi baǵdarlamaǵa engizilgen spektaklder sahnalady. Álem klassıkasynyń ozyq úlgisi «Romeo men Djýletta» (rej.: D.Jumabaeva) spektakli negizgi baǵdarlamaǵa enip otyr.
«Romeo men Djýletta» teatr repertýaryna 2019 jyldyń 24 qańtarynda qosylǵan eresekterge arnalǵan spektaklderiń biri. Jas ereksheligi 18 jastan joǵary kórermenderge arnalǵan spektakl sulýlyq pen tazalyqqa tabynýdan, albyrttyǵy jarasqan eki ǵashyqtyń taǵdyry arqyly áýlet pen tobyrdyń bitpes daýyn arqaý etýden týyndaǵan. Jaryqqa shyqqaly birneshe Halyqaralyq teatr festıvalinde baq synaǵan spektakl qýyrshaq teatrynyń jańa baǵyttaǵy batyl tájirbıelin kórsetip keledi.
Aıta keteıik, qýyrshaq teatry osyǵan deıin 2019 jyly ótken atalmysh teatr festıvaline E.Ionovtyń «Ana júregi» qoıylymymen qatysyp «Úzdik akterlik ansambl» nomınaııanasyn ıelengen bolatyn. Qazaq qýyrshaq teatrynyń sheksiz múmkindigi men kórkem ónerdiń álemdik órkenıetpen ushtasýyna ter tógip kele jatqan mádenıet mekeniniń tulpary óner báıgesinde oza shapsyn dep tileımiz!
BEIBIT ÁLKEEVA
