Sot alqasy Sätbaev qalasynda bes jasar qyz balany zorlau oqiǧasy boiynşa aiyptalǧan erlı-zaiyptynyŋ bırın ömır boiyna, endı bırın 22 jylǧa türmege qamauǧa ükım ettı, dep jazady Azattyq.
Būl oqiǧa 2020 jyly şıldede Sätbaevtaǧy jappai tärtıpsızdıkke türtkı bolǧan edı.
Sot alqasy ükımdı 21 şıldede şyǧardy. Jabyq ötken otyrysta sot alqasy erlı-zaiyptyny "adam zorlady", kışkentai qyzǧa "jynystyq sipattaǧy zorlyq jasady" jäne "densaulyǧyna auyr zaqym keltırdı" dep tapty. Sottalǧandardyŋ aty-jönı aitylmady.
Er adam ömır boiyna, äielı 22 jylǧa sottaldy. Ekeuı de ömır boiy balalarǧa sabaq oqyta almaidy. Sottyŋ mälımetınşe, zaŋ boiynşa äiel adamdarǧa ömır boiyna türme jazasy berılmeidı.
"Sot alqasy dauys beru arqyly aiyptaluşylardy barlyq bap boiynşa aiypty dep tapty. [Er adamnyŋ] qylmysty mas bolyp jasaǧany jazany auyrlatatyn jaǧdai retınde esepke alyndy" dedı sottyŋ baspasöz qyzmetı.Azattyq tılşısı aiyptaluşylardyŋ advokatymen bailanyspaq bolyp edı, ol telefonǧa jauap bermedı. Ekı aiyptaluşynyŋ būrynǧy advokaty (prosess kezınde ısten şettetılgen) olardyŋ kınäsız ekenın aitqan. El prezidentı Qasym-Jomart Toqaevqa da hat jazǧan. Aiyptau aktısıne sai, 2020 jyly 23 şıldede er adam (tergeu kezınde özıne qol salyp qaitys bolǧan – red.) mas küiınde podezd aldynda kışkentai qyzdy ūstap, päterıne alyp barǧan. Keiın körşısın şaqyryp, qyz balany zorlaudy ūsynǧan. Körşısı būl ūsynysqa kelısken. Ekeuı äieldı şaqyryp, ol balaǧa "belgısız bır därını ekken". Osydan soŋ qyz bala esınen tanyp qalǧan, al ekı erkek qyzdy zorlaǧan. Saraptama qorytyndysyna sai, būl oqiǧa qyz balanyŋ psihikasyna qatty äser etken. Osy ıs boiynşa negızgı aiyptaluşy – 62 jastaǧy er adam sotqa jetpei köz jūmǧan. Ol tergeu izoliatorynda ölı küiı tabylǧan edı. Polisiia onyŋ suisid jasaǧanyn habarlaǧan. Basynda IIM tek bır adamnyŋ ūstalǧanyn aitqan. Keiın erlı-zaiyptynyŋ da qamauǧa alynǧany mälım boldy. Joǧalǧan kışkentai qyz 62 jastaǧy er adamnyŋ päterınen tabylǧan soŋ Sätbaevta jüzdegen adam osy üidıŋ maŋyna jinalyp, erkektı jauapqa tartpaq bolǧan. Bırneşe adam küdıktı men körşılerınıŋ päterın qiratqan. Keiın jinalǧandar küdıktını poliseiler jasyryn türde bölımşege alyp kettı degendı estıp, polisiiaǧa barǧan. Sol jerde polisiia ǧimaratyn qiratyp, 16 kölıktı örtegen. Resmi derek boiynşa, 14 tūrǧyn men 50 polisei zardap şekken. Osy tärtıpsızdık boiynşa qylmystyq ıs qozǧalyp, toǧyz adam üş jylǧa türmege qamaldy. 44 adam tört jyl, ekı adam bır jarym jyl şartty jaza aldy. Tört adam "jappai tärtıpsızdık ūiymdastyrdy", ekı adam "tärtıpsızdıkke şaqyrdy", 51 adam "tärtıpsızdıkke aralasty" dep aiyptalǧan. 42 aiyptaluşyǧa "bilık ökılıne küş qoldandy" degen de aiyp taǧylǧan. Aiyptaluşylardyŋ barlyǧy prokurormen prosessualdy kelısım jasasqan. Osy ıs boiynşa ekı adamǧa ızdeu jariialanǧan.
