Nur-Sultanda úndi shtamy naýqastardyń 56 paıyzynda aldyn ala rastaldy. Olardyń synamalary qosymsha tekserýge jiberilgen. Bul týraly elorda ákimdiginde aıtyldy, - dep habarlaıdy “Adyrna” ulttyq portaly Tengrinews.kz saıtyna silteme jasap.
«COVID-19 juqtyrý jaǵdaılary kúrt óskenin jáne úndi shtamyn juqtyrý yqtımaldyǵyn eskere otyryp, Nur-Sultanda qosymsha tekserýge 54 naýqastan synama alyndy. Onyń ishinde paıentterdiń 56 paıyzynan (30 adam - eskert.) úndi shtamyn juqtyrý yqtımaldyǵy anyqtaldy («delta» shtamy). Mýtaııanyń bul túri eń juqpaly jáne tez taralady», - delingen habarlamada.
Ákimdik málimeti boıynsha, elordada qaýipsizdikti qamtamasyz etý maqsatynda qosymsha karantın shekteýleri engiziledi. Koronavırýstyń taralýyna jol bermeý sharalary elorda ákimi Altaı Kólginovtiń basshylyǵymen qalalyq shtab otyrysynda qaralǵan.
«Mýtaııanyń jańa túri eń qaýipti, óıtkeni ólim qaýpi joǵary, adamnyń ımmýnıtetine qatty áser etedi. 54 naýqastyń 39 paıyzynan ulybrıtanııalyq shtamm anyqtalǵan. Úndi jáne ulybrıtanııalyq shtamm juqtyrǵan paıentterdiń 80 paıyzdan astamynda klınıkalyq belgi baıqalady. 20 naýqas aýrýhanaǵa jatqyzyldy, 20 paıyzynda belgiler joq, bir naýqas aýrýhanaǵa jatqyzyldy. Kóbi dáriger kómegine júgingen. Alty jaǵdaı Reseı, Aýǵanstan, Túrkistan, ekeýi Aqmola oblysynan, ShQO-dan kelgenderde tirkelgen», - dedi Nur-Sultannyń bas sanıtarııa dárigeri Sarhat Beısenova.
Elorda ákimi Altaı Kólginov kommýnaldyq qyzmetterdiń, qurylys kompanııalarynyń basshylarymen, mektepter, balabaqshalar, kolledjder, SOO, bazarlar dırektory jáne basqa da iri kásiporyndar ókilderimen kezdesti. Ol adamdar qaýipsizdigin qamtamasyz etý jáne koronavırýstyń taralýyna jol bermeý maqsatynda ujymdardy vakınalaý qajetin eske saldy. Ujymdyq ımmýnıtet qalyptasqanda ǵana olardyń qyzmeti toqtatylmaıdy.
Buǵan deıin Alekseı oı Nur-Sultanda tirkelgen koronavırýs derekterin tekserý barysynda «delta» nemese úndi shtamynyń belgilerine uqsas jaǵdaıdyń tirkelgenin aıtqan bolatyn. Mınıstr bul shtamnyń ózgelerden aıtarlyqtaı aýyr ekenin eskertip, osyǵan baılanysty óńirlerden dári-dármek pen medıınalyq kómekke qajetti barlyq jabdyqpen qamtylýdy surady.
Aıta keteıik, Qazaqstan Respýblıkasynyń Densaýlyq saqtaý mınıstrliginiń elde «úndi» shtamnyń bolý yqtımaldyǵyn anyqtaǵany habarlanǵan edi.
Búgin osy derekke baılanysty QR premer-mınıstri Asqar Mamın tóraǵalyq etken Úkimet otyrysynda elordada karantındi kúsheıtýdi tapsyrdy.
