Äleumettık jelılerde QR Ūlttyq ūlanynyŋ 5517 äskeri bölımınde merzımdı äskeri boryşyn ötegen sarbaz Erkebūlan Seiılhanovtyŋ qaitys boluy men ony jerleuge qatysty taralǧan aqparatty eskere otyryp, QR Qorǧanys ministrlıgı tömendegını habarlaidy.
Oral qalasynda ornalasqan 5517 äskeri bölımı Qorǧanys ministrlıgınıŋ bölımderı men qūramalaryna jatpaidy. Sol sebeptı Qorǧanys ministrlıgı Ūlttyq ūlan äskeri qyzmetşısınıŋ qandai jaǧdaida qaitys bolǧany turaly aqparat bere almaidy. Qorǧanys ministrlıgınıŋ äskeri qyzmetşılerı qaitys bolǧan Erkebūlan Seiılovtıŋ denesın jetkızu men jerleu räsımderıne qatysqan joq.
Sonymen qatar, Qorǧanys ministrlıgınıŋ resmi Telegram-kanaly arqyly äskeri vedomstvo basşylyǧynyŋ jäne Aqtöbe oblysy Qorǧanys ısterı jönındegı departamentınıŋ atynan qaiǧyly jaǧdaida qaitys bolǧan sarbazdyŋ tuystary men jaqyndaryna köŋıl aitamyz.
Özıne-özı qol jūmsau – qoǧamdyq densaulyq pen äleumettık äl-auqattyŋ özındık körsetkışı. Būl jeke ūjymnyŋ ǧana emes, qazırgı qoǧamnyŋ da, onyŋ ışınde äskeri ūjymnyŋ da özektı mäselesı.
El Qaruly Küşterınıŋ äskeri ūjymdarynda qolaily psihologiialyq ahualdy qalyptastyruǧa keşendı şaralar qabyldanuda. Olar äskeri qyzmetşılerdıŋ joǧary moraldyq jäne jauyngerlık ruhyn qoldauǧa, beibıt uaqytta qaiǧyly jaǧdailar men jauyngerlık emes şyǧyndardy azaituǧa baǧyttalǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz