Jambyl oblysynda tūrǧyndar baspana aluǧa jyldap kezekte tūrsa, kei äkımder bırden bırneşe päterdı iemdenıp alǧan. Sarysu audanynyŋ basşysy bes qabatty üidıŋ bırınşı qabatyndaǧy barlyq päterlerdı qyzmettık baspana retınde paidalanyp otyr eken. Oǧan qosa ǧimaratqa japsarlas soǧylǧan kölıgın qoiatyn garaj da salyp alǧan. Tūrǧyndar «qarapaiym halyqqa bır päter arman bolǧanda, äkımnıŋ han saraiyndai baspanada tūruy ūiat tırlık» deidı. Al audan basşysy eldıŋ būl pıkırımen kelıspeidı. Būl turaly «Adyrna» ūlttyq portaly «Euraziia» bırınşı arnasyna sılteme jasap habarlaidy.
1 etajynan 4 kvartira bar, 4 kvartira özınıkı. Eşe elden bölek garaj soǧyp alǧan, Jaŋatasta osyndai bıreu-aq. Ol kımnıŋ üiı? Audan äkımınıŋ üiı. Elder kvartiraǧa jete almai jür, bızdıŋ äkımnıŋ 4 kvartirasy bar.
Tūrǧyndardyŋ şamyna tiıp otyrǧan osy üi. Aitularynşa, äkım bırınşı qabattaǧy 4 päterdı bırıktırıp alǧan. Şyǧatyn esıgı de bölek. Üi artynan soǧylǧan qosymşa qūrylys ışıne qyzmettık kölıgın qoiyp, sol jerden üiıne kıredı eken.
Kımdı köresızder? Äkımdı köremız. Ne ısteidı äkım? Üiı ǧoi endı. Tūratyn üiı me? İä, rezidensiia ma?
Qyzmettık päterdıŋ jalpy aumaǧy 130 şarşy metrdı qūraidy eken. Äkım būl baspanany audannyŋ būrynǧy basşylary osylai etıp jasaǧanyn aitady. Marat Sūltanǧaliev būl qyzmetke osydan ekı ai būryn taǧaiyndalǧan. Onyŋ basqa tūratyn päterı joq, al qazırgısın memleketke ötkızıp, jaŋasyn tūrǧyzuǧa qarajat qimai otyrmyz dep aqtaldy.
«4 bölme qalǧany ashana, dälızder ǧoi. Maǧan deiıngı şeşılgen basşylardyŋ jobasy. Bıraq men mūny dūrys şeşılgen joba dep oilaimyn. Öitkenı özıŋız bılesız jer bölıp, kommunikasiiasy bar, kärız jüiesı bar, jyluy bar kütıp ūstau ükımetke, memleketke tiımsız», - deidı Sarysu audanynyŋ äkımı Marat Sūltanǧaliev.Osylaişa, äkım būl qyzmettık päterdı ary qarai da paidanala bermekşı. Al halyqtyŋ baspanaǧa mūqtajdyǧyn kezeŋ-kezeŋımen şeşetının aitady. Qazırgı taŋda Sarysu audany boiynşa üi aluǧa barlyǧy 1 724 adam kezek kütıp otyr. https://youtu.be/bWBytc--1nI?t=1224
"Adyrna" ūlttyq portaly
