Jyl basynan berı äleumettık maŋyzy bar azyq-tülık tauarlarynyŋ baǧasy 6,3% -ǧa östı. Būl turaly sauda jäne integrasiia ministrı Baqyt Sūltanov ükımet otyrysynda aitty, dep habarlaidy «Adyrna» ūlttyq portaly vedomstvonyŋ baspasöz qyzmetıne sılteme jasap.
«Jyldyq esep boiynşa baǧanyŋ ösuı 11,8%-dy qūrady. Al 5 aidyŋ qorytyndysy boiynşa äleumettık maŋyzy bar azyq-tülık tauarlaryna qatysty baǧanyŋ eŋ joǧary ösımı - Türkıstan oblysynda baiqalady (9,4%). Körsetkış Nūr-Sūltanda - 8,5% jäne Almatyda - 6,0% boldy. Al baǧanyŋ eŋ az ösımı: Batys Qazaqstan oblysynda - 5,7%, Aqmola oblysynda - 5,6% jäne Qaraǧandy oblysynda - 5,2%-dy qūrady», - dedı ol.Azyq-tülık baǧasy bükıl älem elderınde ösıp jatyr.
«Ökınışke qarai, älemdık naryq bızge de äser etıp otyr. Sonymen qatar bızde ışkı naryqtaǧy sūranys pen ūsynystyŋ teŋgerımsızdıgıne äkeletın problemalar da bar. Mysaly, Auyl şaruaşylyǧy ministrlıgınıŋ mälımetınşe, kartop öndıru boiynşa otandyq öndırıs tūtynuşynyŋ 108%-dan astamyn qamtamasyz etedı. Sonymen bırge kartop öndırısınıŋ kölemı bar bolǧany 1,9 mln tonnany nemese jalpy önımnıŋ 47%-yn qūraidy. Kölemnıŋ qalǧan bölıgı ıs jüzınde tauar ainalymyna qatyspaidy. Ötkenı ol halyqtyŋ şaruaşylyqtarynda şyǧarylady. Osyǧan qaramastan, ötken jyly eksport rekordtyq körsetkış - 360 myŋ tonnaǧa jettı», - dedı ol.Sondai-aq jyl basynan berı eksporttyŋ joǧary boluy otandyq önım qorynyŋ 3 esege tömendeuıne äkeldı. Körsetkış 903 myŋ tonnadan 330 myŋ tonnaǧa deiın tömendeptı. Būl mäselenı şeşu üşın İran men Päkıstannan 28 myŋ tonna qymbat kartop satyp alyndy. Būl otandyq kartopqa qaraǧanda üş ese qymbat edı.
"Adyrna" ūlttyq portaly
(foto azattyq-ruhy saitynan)
