Elımızde aldaǧy uaqytta halyqaralyq reisterden bölek, el ışınde ūşaq, poiyzben qatynaityn jolauşylar üşın PTR test tapsyru mındetteluı mümkın. Mūndai boljamdy vise-premer Eraly Toǧjanov jasady. Şeneunıktıŋ sözınşe, qataŋ şaralarǧa baruǧa Nūr-Sūltan men Almaty qalalarynda anyqtalǧan «Ündı ştamy» sebep bolyp otyr eken. Bıraq älı naqty ereje bekıtılgen joq. Sondai-aq Eraly Toǧjanov karantin talaptarynyŋ küşeitıletının mälımdedı. Koronavirusqa qatysty soŋǧy derektermen bölısu üşın ärıptesım Qaiyrken Otynşy studiiamen tıkelei bailanysqa şyqty. Būl turaly «Adyrna» ūlttyq portaly «Euraziia» bırınşı arnasyna sılteme jasap habarlaidy.
«Keş jaryq, Ǧalym. İia, jaŋa ǧana ortalyq kommunikasiialar qyzmetınde vedomstvoaralyq komissiianyŋ müşelerı baspasöz jiynyn ötkızdı. Sonymen, būǧan deiın erıktı türde salynady degen vaksina äp sätte mındettı şaraǧa ainalyp şyǧa keldı. Eraly Toǧjanovtyŋ sözınşe, aldymen qyzmet körsetu salasynda eŋbek etetın azamattar koronavirusqa qarsy ekpe aluǧa mäjbür bolady. Būl şaralarǧa jauaptylar el aumaǧynda mutasiialyq ştam anyqtalǧan soŋ baryp otyr eken. Bıraq bas tartqandarǧa aiyppūl salynbaidy», - deidı tılşı Qaiyrken Otynşy.
«Keşe ǧana vedomstvo aralyq komissiianyŋ naqty şeşımı şyqty. Sol şeşım boiynşa osy sfera uslug deimız sonyŋ ainalasynda jūmys jasaityn azamattardyŋ bärı mındettı türde vaksina alu kerek. Eger därıgerlık qarama qaişylyqtar bolatyn bolsa, ol jerde eşqandai sūraq bolmaidy. Eger bas tartatyn jaǧdaida bolatyn bolsa, olardyŋ barlyǧy mındettı türde jūmasyna bır ret PSR ötu kerek», - deidı QR premer-ministrınıŋ orynbasary Eraly Toǧjanov.Sondai-aq eldegı vaksinasiialau qarqyny vedomstvo aralyq komissiia müşelerınıŋ köŋılderınen şyqpai otyr eken. Aldaǧy ekı aptada preparattyŋ 2 mln dozasy daiyndalmaq. Al koronavirusqa qarsy vaksina saldyru boiynşa Elorda köş soŋynda qalyp qoiypty. Jauaptylar karantin şaralaryn küşeitu arqyly, künıne 70 myŋǧa juyq azamatqa ekpe egudı josparlap otyr.
«Būl qauıptı mutasiiaǧa ūşyraǧan ştamdardan özın-özı qorǧaudyŋ qarapaiym bır ǧana joly bar. Odan basqa şaralardy älı älem elderı oilap tapqan joq. Virus jūǧu qaupın tömendetu üşın vaksina saldyru qajet. Sondyqtan, men taǧy da barşa qazaqstandyqtarǧa ekpe aluǧa keŋes beremın. Özıŋızdı jäne jaqyn adamdaryŋyzdyŋ densaulyǧyn oilaŋyz», - deidı QR premer-ministrınıŋ orynbasary Eraly Toǧjanov.«Sondai-aq bükıl älemdı şulatqan koronavirustyŋ «Delta» nemese «Ündı ştamy» Almatydan da anyqtaldy. Oŋtüstık şaharda Covid-19 jūqtyrǧandardyŋ synamasynan mutasiiaǧa ūşyraǧan türı tabylǧan körınedı. Odan bölek, qalanyŋ bas sanitar därıgerı alǧaş ret «Niu-Iork» ştamy da qalada tabyluy mümkın degen boljam jasady», - deidı tılşı Qaiyrken Otynşy.
«Keşe bız taǧy zerttegen kezde 9 synamanyŋ bır synamasynda «Ştam Delta», «Ündıstan ştamy» deimız sol anyqtaldy. Bız ekı ret ony jasadyq. Bügın taǧy taŋerteŋnen bastap kontroldyq zertteu jasaǧan kezde bız tolyǧymen anyqtadyq. Aita keteiın, künı keşe bas qalada koronavirus jūqtyrǧan 55 nauqastan qosymşa synama alǧan mamandar, 30 adamnan «Ündı» ştamynyŋ mutasiialanǧan türın anyqtapty. Qazır ındet jabysqan jandar stasionarlarda em qabyldap jatyr. Därıgerler būl ştamnyŋ jūǧu körsetkışın öte joǧary dep baǧalady», - deidı Almaty qalasynyŋ bas memlekettık sanitar därıgerı Jandarbek Bekşin.Sonymen qatar Aleksei Soi osy mäselege qatysty oiymen bölıstı.
«Bız būǧan deiın aitqanymydai virustyŋ mutasiialanǧan türı bolǧandyqtan nauqastarda jaŋa simtomdar paida boldy. Ol ışı ötu, jürektıŋ ainuy, qūsu, estu qabıletınıŋ tömendeuı syndy belgıler. Būl ştamdar adamdarǧa tez jūǧady. Qazır, auru qarqyny ortaşa dep baǧalap otyrmyz. Aldaǧy uaqytta, nauqastardyŋ densaulyǧyn jıtı baqylaimyz», - deidı QR densaulyq saqtau ministrı Aleksei Soi.https://www.youtube.com/watch?v=N0wOHveT864
"Adyrna" ūlttyq portaly
