Qazaqstandyqtar Telegram-da vaksina qūramynda magnit bölşekter bar ekenı turaly teoriiany taǧy da taratyp jatyr. Būl joly «dälel» retınde doktor Djein Rubidıŋ sūhbaty alynǧan. Ol magnit bölşekter vaksina qūramyndaǧy mRNA-ny adam aǧzasyndaǧy jasuşalarǧa «iteru» üşın qajet dep mälımdegen, dep habarlaidy «Adyrna» ūlttyq portaly Stopfake.kz saityna sılteme jasap.
Portal mälımetınşe, şyn mänınde Djein Rubi därıger emes. Ol özın densaulyq saqtau ekonomistı jäne psihologiia doktory därejesı bar saiasi sarapşy retınde tanystyrady.
Būǧan deiın ol COVID-19 pandemiiasyna bailanysty jalǧan aqparat taratqany üşın baiqalǧan. Būl joly ol COVID-19-dyŋ aldyn aluǧa arnalǧan preparattar öndırısınde magnit bölşekter ädeiı qoldanatynyn mälımdegen. Ol vaksina alǧan adamdardyŋ qolyna magnittıŋ tartylu «qūbylysyn» osylai tüsındıredı, delıngen portalda.
Qazırgı uaqytta ǧalymdar DNQ vaksinalaryn öndırude qoldanuǧa bolatyn superparamagnittı nonobölşekterdı zertteumen ainalysyp jatyr. Alaida DNQ platformasynda jasalǧan bırde-bır vaksina joq. Sonymen qatar superparamagnittı nanobölşekterdı qoldanu tek zertteu satysynda jäne därı-därmek öndırude qoldanylmaidy.
Portal aqparatyna süiensek, Pfizer/BioNTech jäne Moderna siiaqty mRNQ vaksinalarynda lipidtı nanobölşekter jasuşalarǧa mRNQ-ny jetkızu üşın qoldanylady. Olar magnittık qasietke ie emes jäne aǧzaǧa ziian keltırmesten qysqa uaqyt ışınde ydyraidy. Basqa vaksinalarda, sonyŋ ışınde Qazaqstanda qoldanylatyn ekpelerde magnit bölşekter joq.
"Adyrna" ūlttyq portaly
