Şymkent qalasynda «Eŋbek» memlekettık baǧdarlamasynyŋ II baǧyty şeŋberınde jappai käsıpkerlıktı damytu ısı sättı jüzege asyrylyp keledı.Būl käsıppen ainalysamyn degen jergılıktı tūrǧyndar üşın ülken mümkındık.
Memlekettık qoldaudyŋ arqasynda biznes ideiasyn jüzege asyryp, jaŋadan käsıp aşqandardyŋ bırı – Janna Berkımbaeva.
Ol byltyrǧy jyldyŋ qyrküiek aiynda «kosmetologiia» baǧyty boiynşa komissiiaǧa öz biznes-josparyn ūsynǧan. Nätijesınde jobasy maqūldanyp, 200 AEK(555 650 tg) kölemınde grantqa qol jetkızdı.
- Byltyr «Atameken» palatasy janyndaǧy «Biznes bastau» kursyna qatystym. Qolyma sertifikat alǧan soŋ, memlekettık grantqa qūjat tapsyrdym. Memlekettık qoldaudyŋ arqasynda öz ısımızdı bastadyq. Qazırgı taŋda kosmetologiia kabinetınde bet tazartu, qasty tüzetu, boiau jäne t.b. baǧyttar boiynşa qyzmetter körsetemın-deidı käsıpker.
Jalpy, Şymkentte byltyr 4828 adam memlekettık grantqa qol jetkızdı. Onyŋ ışınde 407-sı köp balaly otbasy müşelerıne, 2122 -az qamtamasyz etılgen otbasylarǧa, 29-mügedek azamattarǧa ,1075-sı jastarǧa jäne 1195 özge sanattaǧylarǧa berıldı. Biyl 600 azamat grantqa qol jetkızıp, öz mümkındıkterın jüzege asyruda.
Şymkent qalasy äkımdıgınıŋ baspasöz qyzmetı
