Senator, belgılı ǧaryşker Talǧat Mūsabaev qyzǧa şabuyl jasady degen aiyptauǧa jauap berdı dep habarlaidy "Adyrna" ūlttyq portaly "Tengrinews.kz-ke" sılteme jasap.
"24 mausym künı Triatlon saiabaǧynda bolǧan oqiǧaǧa bailanysty bylai degım keledı. Serıgımmen keşegı seruen kezınde it jetektegen qyz bızge qarsy jügıretın jolaqpen kele jatty. Oǧan itınıŋ tūmyldyryqsyz ekenın aityp, eskertu jasadym, sebebı mūny basqa adamdarǧa qauıptı dep sanadym. Bıraq bızge jaǧymsyz ärı dörekı jauap aityldy, äleumettık jelıdegı paraqşasynda ol özı de jazdy", - dedı T.Mūsabaev.
Onyŋ aituynşa, qyz polisiia şaqyrtqannan keiın poliseiler keluın kütıp, kuälık beruge, öz qūqyǧyn zaŋ boiynşa qorǧauǧa daiyn ekenın jetkızgen.
"Polisiianyŋ ekı qyzmetkerı kelgen soŋ tüsınık berıldı, aryzdanuşy da tüsınık berdı. Menıŋ tarapymnan eşqandai da zaŋǧa qaişy äreket, dene jaraqatyn salu äreketı bolǧan joq. Onyŋ üstıne, qyz bızge qol sozyp, keşırım sūrady. "Ūryp-soǧu" turaly aiyptau negızsız dep esepteimın", - dedı ol.Eske salaiyq, Talǧat Mūsabaev pen astanalyq tūrǧyn Alina Nūrtas arasyndaǧy jaǧdai 24 mausymda it seruendep jürgende bolǧan. Alina Nūrtastyŋ aituynşa, oqiǧa ornyna polisiia şaqyrylǧan, keiın ol qūqyqbūzuşy senat deputaty Talǧat Mūsabaev ekenın bılgen.
"Adyrna" ūlttyq portaly.
