Biyl kämeletke tolmaǧan 14 balaǧa qatysty eŋbek zaŋnamasyn būzu derekterı anyqtalǧan dep habarlaidy "Adyrna" ūlttyq portaly.
Jūmys beruşıler eŋbek şartyn jasamastan 14 jasöspırımdı jūmysqa tartyp, olar künı boiy eŋbek etken. Mūndai derekter balalar eŋbegın qanauǧa qarsy ūlttyq aqparattyq nauqan barysynda anyqtaldy.
Is-şara şeŋberınde balalar eŋbegın qanau mäselesı jäne būl problemanyŋ bala men qoǧam üşın tigızetın saldary turaly tüsındıru jūmystary, azamattardy habardar etu şaralary jürgızıldı.
«Aqparattyq nauqan elımızdıŋ barlyq öŋırınde jürgızıldı. Tüsındıru jūmystary barysynda Türkıstan, Qaraǧandy jäne Aqmola oblystarynda balalar eŋbegın zaŋsyz paidalanu faktılerı anyqtaldy. Dämhanada daiaşy jäne qūrylys alaŋdarynda jūmysşy bolyp eŋbek etken on tört jasöspırımnıŋ qūqyǧy būzyldy. Jūmys beruşıler olardy zaŋsyz negızde tolyq jūmysqa tartqan. Zaŋ boiynşa 14 pen 18 jas aralyǧyndaǧy kämeletke tolmaǧandar üşın qysqartylǧan jūmys uaqyty belgılenuı kerek. Sondai-aq jasöspırımdermen jäne olardyŋ ata-analarymen eŋbek şarttary jasalmaǧan»,– dedı QR Bılım jäne ǧylym ministrlıgı Balalardyŋ qūqyqtaryn qorǧau komitetınıŋ töraǧasy Esenǧazy İmanǧaliev.
Balalardy eŋbekke zaŋsyz tartu derekterı anyqtalǧannan keiın jūmys beruşılermen jäne kämeletke tolmaǧandardyŋ ata-analarymen tüsındıru jūmystary jürgızıldı.
QR Eŋbek zaŋnamasyna säikes, on tört jasqa tolǧan oquşylarǧa oqudan bos uaqytta densaulyǧyna ziian keltırmeitın jūmystardy oryndauǧa rūqsat etıletının aita ketken jön. 14-16 jas aralyǧyndaǧy balalar aptasyna 24 saǧattan, 16-18 jastaǧy jasöspırımder aptasyna 36 saǧattan artyq jūmys ıstemeuı kerek. Būl rette, jūmys beruşı kämeletke tolmaǧan balanyŋ özımen, onyŋ ata-anasymen, qamqorşysymen nemese bala asyrap alǧan ata-anamen eŋbek şartyn jasauǧa mındettı.
"Adyrna" ūlttyq portaly.
