Saiasattanuşy Bauyrjan Serıkbaev biylǧy ötetın auyldyq deŋgeidegı äkımderdı tıkelei sailauǧa qatysty pıkır bıldırdı, dep habarlaidy "Adyrna" ūlttyq portaly QazAqparatqa sılteme jasap.
Bauyrjan Serıkbaevtyŋ aituynşa, Qazaqstanda 2300-den astam auyl äkımı bar. 2023 jylǧa deiın barlyǧyn öz merzımınıŋ aiaqtaluymen halyq sailaityn bolady.
«Būl tıkelei preziden Qasym-Jomart Toqaev myrzanyŋ saiasi reformasymen ıske asyp jatqan, elımızde demokratiialyq basqaru prinsipterın ornyqtyratyn tarihi qadam. Orta Aziia elderınıŋ ışınde Qazaqstan auyl äkımderın sailaudy bırınşı bolyp qolǧa aldy. Memleket, qoǧam üşın täjıribe, syn saǧat bolatyn maŋyzdy saiasi prosess»,- deidı saiasattanuşy.Sonymen qatar, ol sailaudyŋ erekşelıgıne toqtaldy.
« Auyl äkımıne salyqtyŋ 9 sanatynan tüsketın öz biudjetı berıledı. Äkımnıŋ būrynǧydai audan äkımıne jaltaqtamai, öz biudjetımen auyldyŋ mäselesın şeşe alatyn mümkındıgı bolady. Halyq sailaidy. Äkım tıkelei öz sailauşylarynyŋ aldynda jauapty bolamaq. Halyq senımsızdık tanytyp, ūnamaǧan äkımdı kerı qaitaryp ala alady. Äkım bolu üşın jasy 25-ke tolǧan, joǧary bılımdı, memlekettık qyzmette eŋbek täjıribesı bar nemese auyl şaruaşylyǧy salasynda, jeke sektorda basşylyq qyzmette bolǧan azamattar sailana alady. Äkım 4 jyl merzımge sailanady. Sonymen qatar, kandidattar özın-özı ūsyna alady. Ol üşın sailauşylardyŋ 1% dausyn aluy tiıs. Taǧy bır aita keterlıgı, sailauǧa saiasi partiialar atynan da tüse alady»,- deidı spiker.Onyŋ aituynşa, Prezident elımızdegı 90% äkımderdı halyq sailauy tiıs degen talap qoidy. 2024 jyldan bastap audan äkımderın sailauǧa kelemız. Bärı sättı ötse sol täjıribemen keleşekte ırı qalalar men oblys äkımderın de halyq sailaityn nüktege keluımız äbden mümkın.
«Menıŋ oiymşa Prezident bastaǧan būl reforma aldaǧy 4-5 jylda naqty ısımen körıngen jaŋa saiasi liderlerdı halyq aldyna alyp şyǧady. Memlekettık basqaruda praktikalyq täjıribesı, nätijesı, jetken jetıstıgı bar zamannyŋ jaŋa liderlerın qalyptastyrady. Būl prosess aldaǧy 5-6 jylda qoǧamdyq sana men saiasi mädeniettı müldem basqa satyǧa köteretın bolady. Halyq sözdıŋ emes, ıstıŋ adamdaryn bırden tanityn deŋgeige keledı. Soǧan qarap baǧa berıledı. Prezident bastaǧan auyl äkımderın sailau reformasy elımızdı satylap özgeretın, demokratiia prinsipterın myqtap ornatatyn, eŋ bastysy Qazaqstandy sanaly, örkeniettı demokratiiaǧa bastaityn bırden bır jol bolady. Realizm solai. Soǧan kele jatyrmyz»,-deidı ol.
