Qazaqstannyŋ bas sanitar därıgerı Erlan Qiiasov jaŋa qaulyǧa qol qoidy. Oǧan säikes, qyzmet körsetu salasynyŋ qyzmetkerlerı 15 şıldege deiın vaksina saldyruǧa mındettelıp otyr, dep habarlaidy «Adyrna» ūlttyq portaly Sputnik Qazaqstan saityna sılteme jasap.
Oblystardyŋ, Almaty, Nūr-Sūltan, Şymkent qalalarynyŋ äkımderı, «Atameken» ŪKP (kelısu boiynşa), ūlttyq kompaniialardyŋ, ūiymdardyŋ, menşık nysanyna qaramastan, Qazaqstan Respublikasynyŋ aumaǧynda osy qaulynyŋ 6-1-tarmaǧynda belgılengen salalarda qyzmetın jüzege asyratyn jeke jäne zaŋdy tūlǧalardyŋ basşylary:
- 15 şıldege deiıngı merzımde (tūraqty medisinalyq qarsy körsetılımderı bar jäne soŋǧy 3 ai ışınde COVID-19-ben auyryp jazylǧan adamdardy qospaǧanda) vaksinanyŋ bırınşı komponentımen, al 15 tamyzǧa deiıngı merzımde COVID-19-ǧa vaksinanyŋ ekınşı komponentımen profilaktikalyq eguler jürgızudı ūiymdastyrsyn;
- profilaktikalyq eguler jürgızu qajettılıgıne erekşe nazar audara otyryp, COVID-19 jaŋa koronavirustyq infeksiiasynyŋ profilaktikasy mäselelerı boiynşa jūmyskerler arasynda aqparattyq-tüsındıru jūmysyn küşeitsın;
- COVID-19-ǧa qarsy vaksinasiia almaǧan jūmyskerler üşın (tūraqty medisinalyq qarsy körsetılımderı bar jäne soŋǧy 3 ai ışınde COVID-19-ben auyryp jazylǧan adamdardy qospaǧanda) közbe-köz rejimde jūmysqa jıberudı şektesın, delıngen qaulyda.
Vaksinany kımderge saldyrmauǧa rūqsat etılgen
- medisinalyq qarsy körsetılımderı bar tūrǧyndar;
- soŋǧy 3 ai ışınde COVID-19-ben auyryp jazylǧandar.
Osy qaulynyŋ oryndaluyn bas sanitar därıger öz baqylauynda qaldyrdy. Qūjat 2021 jyldyŋ 2 şıldesı saǧat 00.00-den bastap küşıne enedı.
"Adyrna" ūlttyq portaly
