Qazaqstanda 1 şıldeden bastap Äkımşılık räsımdık-prosessualdy kodeks küşıne enedı. Jaŋa qūjat memlekettık organdarmen dau-damaida qarapaiym halyqtyŋ qūqyǧyn qorǧauǧa baǧyttalǧan, dep habarlaidy «Adyrna» ūlttyq portaly Sputnik Qazaqstan saityna sılteme jasap.
Ädılet vise-ministrı Natalia Pannyŋ aituynşa, jaŋa kodeks azamattardy bilık organdarynyŋ zaŋsyz äreketterınen qorǧauǧa tiıs. Mäselen, qūqyqtyq şeşımderdıŋ küşın joiudyŋ erekşe tärtıbı engızıledı. Qazaqstandyq bır kezderı qabyldanǧan şeşım zaŋdy, däiektı jäne onyŋ küşın joiuǧa bolmaitynyna senımdı boluy kerek.
«Azamatqa äleumettık kömek tölendı delık. Alaida bıraz uaqyttan keiın tekserıs kezınde järdemaqy artyq tölenıp qoiǧany, memlekettık organnyŋ kınäsınen qate şeşım qabyldanǧany anyqtaldy. Mūndai jaǧdaida ökılettı organ adal azamattan jūmsalǧan aqşany qaitarudy talap ete almaidy. Öitkenı ol adamnyŋ eş kınäsı joq», - dedı Pan.Taǧy jaŋaşyldyq – qūqyq basymdyǧy qaǧidatynyŋ engızıluı. Ol boiynşa zaŋnamanyŋ kümändı jäne tüsınıksız tūstary, qaişylyqtary qarapaiym azamattardyŋ paidasyna şeşıledı.
«Mysaly, memlekettık qyzmet körsetu tärtıbın retteitın qūjatta merzım üş kün dep belgılengen. Bıraq ol merzım jūmys nemese küntızbe künderımen sanala ma, ol körsetılmegen. Osy jaǧdaida sızge memlekettık qyzmet üş küntızbelık kün ışınde körsetıluge tiıs. Öitkenı būl azamatqa äldeqaida yŋǧaily», - dedı Pan beisenbıde ötken baspasöz mäslihatynda.Joǧarǧy sottyŋ äkımşılık ıster jönındegı sot alqasynyŋ töraǧasy Qanat Musin jaŋa kodekstıŋ normalary qai uaqytta qoldanylatynyn tüsındırdı. Mysaly, äkımdık jer beruden bas tartyp, azamat mūnymen kelıspei, talap-aryz tüsırse, ıs jaŋa kodekspen qaralady.
«Sot būl daudy jaŋa kodekstıŋ erejelerı boiynşa qaraidy. 1 şıldege deiın mūndai ıster azamattyq sot öndırısınde qaralyp keldı. Ol taraptardyŋ teŋ boluyn talap etetın. Alaida jai adam men bilık organyn salystyruǧa bolmaidy. Memlekettık organnyŋ sarapşylary, zaŋgerlerı bar. Sol sebeptı ekı taraptyŋ mümkındıkterı ärtürlı», - dedı Musin.Būǧan qosa jaŋa kodeks memlekettık organdardy tärtıpke üiretuge tiıs, mysaly, aqşa öndırıp alu jolymen.
«Qazır qalai? Memlekettık organnyŋ ökılı sotqa barmai qoiady. Al sot ıstı qarap, şeşımdı memlekettık organnyŋ paidasyna şyǧaruy mümkın. Al endı jaŋa talap boiynşa, eger ol sotqa kelmese nemese qūjattardy ūsynbasa, sot odan 20 AEK (58 340 teŋge – Sputnik) öndırıp alady. Aqşa öndırıp alu sottyŋ talaby oryndalǧanǧa deiın bırneşe ret qoldanyluy mümkın», - dedı Musin.
"Adyrna" ūlttyq portaly
