Türkıstan oblysynyŋ tūrǧyny Qūrmet Talapqazy mal aştan qyrylyp jatqan öŋırlerge şöp jetkızu jūmystaryn ūiymdastyrdy. 24 jastaǧy jıgıt alty vagon şöp pen tyǧyzdalǧan joŋyşqa daiyndap qoiypty. Alaida älı de malǧa qorek jetıspeidı. Būl turaly ol Tengrinews.kz tılşısıne aityp berdı, dep habarlaidy «Adyrna» ūlttyq portaly.
Qūrmet Talapqazy Şymkentte saudamen ainalysady. Aştan qyrylǧan mal turaly jaŋalyq auyr tigenın aitqan ol ıske kırısudı ūiǧarypty. Dostary men erıktılerdı jinap, şöp şabudy bastap ketıptı. Qarajat jinauǧa da kırısken eken.
Qūrmet Talapqazy osymen ekınşı apta boiynda barlyq ısın toqtatyp qoiyp, şöp şabuǧa kırısken, temırjolşylermen jük tasymaldauǧa kelısım jürgızıp, mesenat ızdestırıp jatyr. Osy künge deiın alty vagon şöp jinap, Maŋǧystau men Batys Qazaqstan oblystarynyŋ audandaryna jetkızumen ainalysyp jatyr.
Qūrmet qataryna köp adam qosylǧanyn da aityp otyr. Qazır basty problemasy - kölık pen jūmysşylardyŋ joǧy.
«Halqymnyŋ jaǧdaiy naşar, äsırese şaǧyn şaruaşylyqpen ainalysatyndarǧa qiyn zaman tudy, soǧan qūlazyp jürmın. Kömek bastap ketkenıme quanamyn, ärine, bıraq būl maqtanu üşın emes, quanudyŋ ornyna ıske kırısu kerek, jūmys köp. Ata-äjeler közıne jas alyp, alǧysyn jaudyryp jatyr, batasyn berdı. Bıraq raqmetın kütpeimın, ärbır qazaq, öz elınıŋ azamaty menıŋ ısımdı jasar edı. Qazır bärın jinalyp, kömektesuge şaqyramyn», - dep mälımdedı ol.
Qūrmet Talapqazy osymen ekınşı apta boiynda barlyq ısın toqtatyp qoiyp, şöp şabuǧa kırısken, temırjolşylermen jük tasymaldauǧa kelısım jürgızıp, mesenat ızdestırıp jatyr. Osy künge deiın alty vagon şöp jinap, Maŋǧystau men Batys Qazaqstan oblystarynyŋ audandaryna jetkızumen ainalysyp jatyr.
«Qarapaiym halqymyzdan 1,6 million teŋge tüstı. Būl qarajat tolyqtai jūmsaldy. Bır vagonǧa jalpy 610 myŋ teŋge qajet edı, bıraq bız baǧasyn 380 myŋ teŋgege deiın tüsıruge kelıstık. Jetpegenın qaryzǧa aldyq. Būl qarajattyŋ bärı halyqtykı, ırı biznesmenderdıŋ eşqaisy äzırşe qyruar aqşa jıbere qoimady. Kömektesemız degen, bıraq älı joq», - dedı ol.Jıgıt alty vagon şöp ūzaqqa jete qoimaitynyn aitady. Qysqa da mal azyǧyn ızdeu kerek.
«Qazaqstannyŋ batysyn şöppen qazır qamtamasyz etpesek, qysta mal qyrylady. Qysta tıptı batysta ǧana emes, oŋtüstıkte de, Qyzylorda men Aralda da mal qyrylady. Kelesı jyly şöp te qymbattaidy, et te. Qazır ettıŋ kelısı ekı myŋ teŋge bolsa, kelesı jyldary 7-10 myŋ teŋge bolady. Sonda bızde ekonomikalyq ülken daǧdarys bolady. Küz ben qys kelmei tūryp, şöp äzırleuımız kerek. Är oblystan 10-15 vagonnan jıbersek jaqsy bolar edı. Qazır Türkıstan men Şymkentte Qazyǧūrtqa, Qaratauǧa jäne Sozaqqa barar joldaǧy dalany şauyp jatyrmyz, sosyn Şyǧys Qazaqstan men Soltüstık Qazaqstan oblysyna şöpke baramyz», - dep mälımdedı ol.
Qūrmet qataryna köp adam qosylǧanyn da aityp otyr. Qazır basty problemasy - kölık pen jūmysşylardyŋ joǧy.
«Köbınen auyl adamdary kömektesıp jatyr, tük şöp berıp jatyr. Qazırdıŋ özınde 50-70-dei tük tyǧyzdalǧan joŋyşqa jinadyq. Alaida tasymaldauda problema bar. Memleket kömektesıp jatqan joq. Äzırşe auyl äkımderı ǧana bailanysqa şyǧyp jatyr, bıraq joǧarydaǧy bilık jaǧdaiǧa nazar audarmai otyr», - dedı ol.
"Adyrna" ūlttyq portaly
