Öskemen qalasynyŋ soty mas küiınde tūrǧyndarmen kezdesuge kelgen qala äkımdıgınıŋ qyzmetkerıne qatysty ıstı qarady, dep habarlaidy «Adyrna» ūlttyq portaly Sputnik Qazaqstan saityna sılteme jasap.
YK-news.kz jergılıktı portalynyŋ habarlauynşa, ıs Öskemen qalasynyŋ äkımşılık qūqyq būzuşylyqtar jönındegı mamandandyrylǧan sotynda qaralǧan.
Sot qalalyq äkımdıktıŋ qyzmetkerı 11 şıldede mas küiınde avtokölıkke otyrǧanyn anyqtady. Būl fakt saraptamada anyqtaldy, şeneunıktıŋ özı de joqqa şyǧarmady.
Sot qaulysymen äiel 15 täulıkke qamauǧa alyndy. Sonymen qatar ol jetı jylǧa deiın kölık qūralyn basqaru qūqyǧynan aiyryldy. Şeşım zaŋdy küşıne engen joq.
Basy dauǧa qalǧan öskemendık şeneunık
Öskemen äkımdıgınıŋ mas qyzmetkerı jyljymaly vaksinalau punktınıŋ maŋynda videoǧa tüsıp qaldy. Qalalyq äkımdık pen Şyǧys Qazaqstan oblysynyŋ polisiia departamentı būl jaǧdaiǧa tüsınıkteme berdı.
Kuägerlerdıŋ aituynşa, ol vaksinalauǧa arnalǧan avtobustyŋ janynan ötıp bara jatyp, avtobustyŋ esıkterı jabyq, al därıgerler adamdardy qabyldamai jatqanyn baiqaǧan. Onyŋ sözınşe, avtobustaǧy därıgerler betperde rejimın saqtamaǧan.
Er adam ıstıŋ män-jaiyn anyqtau üşın polisiia men qalalyq äkımdıktıŋ qyzmetkerlerın şaqyrdy.
«Bızge İndira Qaljabaeva esımdı azamat keldı, özı mas, bıraq soǧan qaramastan kölık aidaǧan. Ol da eşteŋe tüsındıre almady», - delıngen Instagram-da road_control_kz pabligınde jariialanǧan jazbada.Äkımdık qyzmetkerge qatysty şara qabyldady.
«11 şılde qala äkımı apparatynyŋ qyzmetkerı Qaljabaeva İndira Ǧadylşinqyzynyŋ qatysuymen bolǧan oqiǧa jaily kelesını habarlaimyz. Polisiia kölıktı mas küiınde jürgızu faktısı boiynşa äkımşılık öndırıs bastady. Polisiia basqarmasynan materialdar tüskennen keiın äkımdık bolǧan oqiǧa men memlekettık qyzmetkerdıŋ etikasyn saqtau mäselelerı boiynşa qyzmettık tekserıs jürgızedı. Barlyǧyn anyqtaǧanǧa deiın Qaljabaeva jūmystan şettetıldı», - dep habarlady Yk-News basylymy.Şyǧys Qazaqstan oblysynyŋ polisiia departamentı 54 jastaǧy äiel mas küide Hyundai Accent kölıgın jürgızıp bara jatqan jerınen toqtatylǧanyn mälımdedı.
"Adyrna" ūlttyq portaly
