Qazaqstanǧa tiesılı iadrolyq oqtūmsyqtan tärkılengen uran bölıgı üşın Resei bızdıŋ elge 130 milliard teŋgeden astam (şamamen 305 million dollar) ötemaqy töledı. Būl turaly Ūlttyq qauıpsızdık komitetınıŋ töraǧasy Kärım Mäsımov mälımdedı, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
«Qazaqstandaǧy qūzyrly organdardyŋ aldynda iadrolyq qarusyzdandyru baǧdarlamasy aiasynda oqtūmsyqtardan reseilık tarap tärkılegen qazaqstandyq uran ülesı üşın aqşalai ötemaqy alu turaly özektı mäsele tūrdy. Nätijesı – biudjetke 136,1 milliard teŋge kölemınde qarajat tüstı», – dedı Mäsımov.Onyŋ aituynşa, ortaaziialyq respublikalardyŋ bırındegı arnaiy qyzmetpen yntymaqtastyq nätijesınde Qazaqstan ŪQK iadrolyq materialdardyŋ zaŋsyz ainalymymen ainalysqan transūlttyq qylmystyq toptyŋ jolyn kestı.
«Ol qylmystyq top qūramynda Ortalyq Aziia elderınıŋ azamattary bolǧan», – dep habarlady ŪQK baspasöz qyzmetı.Jalpy 2020 jyldyŋ özınde-aq memlekettık ekonomikalyq damu baǧdarlamalaryn baqylau, sondai-aq şeteldık investorlar, qarjy-önerkäsıptık toptar men transūlttyq kompaniialardyŋ jūmysyn qadaǧalau aiasynda el biudjetındegı 925,3 milliard teŋge (2,1 milliard dollar) şyǧynnyŋ aldyn alu mümkın boldy. Sondai-aq memleket paidasyna 147,23 milliard teŋge (şamamen 345 million dollar) kırıs kırdı.
"Adyrna" ūlttyq portaly
