Birinshi jartyjyldyqta túrik merdigerleriniń Qazaqstandaǵy jobalarynyń jalpy quny - 674 mıllıon dollardy qurady, dep habarlaıdy «Adyrna» ulttyq portaly.
Túrik merdigerler odaǵynyń 2021 jyldyń shildesindegi qurylys sektoryn taldaý týraly esebine engizilgen Túrkııanyń Saýda mınıstrliginiń derekteri boıynsha, túrik merdigerleri birinshi jartyjyldyqta 33 elde quny - 6,5 mıllıard dollardy quraıtyn 100 jobany aıaqtaǵan.
Zambııa osy jyldyń birinshi jartyjyldyǵynda quny 1,3 mıllıard dollar bolatyn jobalarymen túrik merdigerleri úshin eń iri naryqqa aınalǵan. Slovenııa 748 mıllıon dollarmen ekinshi orynǵa jaıǵasty. Al Qazaqstan 674 mıllıon dollarmen – úshinshi orynda.
Joba quny boıynsha alǵashqy bestikke 543 mıllıon dollarmen – Ázirbaıjan, 405 mıllıon dollarmen – Reseı kirdi.
TMB-nyń aldaǵy jyldary sheteldegi jobalar boıynsha 20 mlrd dollarǵa deıin jetpek oılary bar.
"Adyrna" ulttyq portaly
