Maŋǧystau men Qyzylorda oblysyndaǧy quaŋşylyq Atyrauǧa da jettı. Qazır İsatai audanyndaǧy bırneşe auylda kanaldaǧy su tartylyp, sonyŋ kesırınen jylqylar aram ölıp jatyr. Şarualar keŋ jazyq dalanyŋ är jerınde qūlaǧan maldarynyŋ ölekselerın jinap jür. Būl turaly “Adyrna” ūlttyq portaly 31 arnanyŋ "İnformbiuro" jaŋalyqtar baǧdarlamasyna sılteme jasap habarlaidy.
"Malym janymnyŋ sadaqasy" dep otyrǧan auyldaǧylar jaiylymnan jylqy men siyrdyŋ öleksesın jinap jürgenderın aitady. Tıptı su ızdep qinalǧan mal kanaldyŋ tübındegı şalşyq sudyŋ batpaǧyna batyp, aram ölıp jatyr deidı. Aitularynşa, kanaldarǧa ekı jyldan berı jarytyp su kelmei, biyl mülde qūrǧap qalǧan. Tıptı quaŋşylyqtan jerde şöp te joq. Al kanalǧa jauapty "QazSuşar" respublikalyq memlekettık käsıporny Atyrau oblysy basşylary su jıberu boiynşa jūmystar jürgızıp jatyrmyz, bırer künde jetedı deidı. Sözderınşe, kanaldyŋ qūrǧap qaluyna aptap ystyq pen egın nauqanynyŋ bastaluy sebep. Būl auyldardaǧy kanaldardyŋ tozyǧy jetkenın jasyrmady. Oǧan tek respublikalyq biudjetten ǧana qarjy qaralady eken. Al İsatai audany äkımı su tapşylyǧynan maldyŋ ölıp jatqanyn jasyrǧysy keldı me, äiteuır aqparatty jalǧan dedı.
"Su bolmaǧandyqtan maldar dalada ölıp jatyr degen jalǧan aqparat. Janbai auylyna audan basşylary keşe ǧana baryp kettı. Atalǧan auylda su deŋgeiı säl tömendeu. Bıraq malǧa jetkılıktı su bar", – deidı İsatai audan äkımınıŋ orynbasary Erkebūlan Äbılhasimov.Eske salsa,q būǧan deiın aimaqtaǧy quaŋşylyqqa bailanysty Qyzylorda oblysynda tötenşe jaǧdai jariialaǧany aitylǧan edı.
