Aqtaulyq bloger Azamat Särsenbaev Maŋǧystau oblysynda şarualar malǧa qalai karton beretının körsettı. Onyŋ aituynşa, ünemdeu üşın maldarǧa kartonǧa kebek ben qaldyq qosyp beredı eken, - dep habarlaidy “Adyrna” ūlttyq portaly Tengrinews.kz saityna sılteme jasap.
Azamat Särsenbaev Facebook jelısındegı paraqşasynda Aqtaudan 350 şaqyrym jerde ornalasqan Aqşymyrau auylynan şaǧyn fotoesep jariialaǧan. Ol jergılıktı şarualar maldardyŋ jem-şöbıne kartondy qalai qosyp beretının körsetken.
Quaŋşylyqqa bailanysty qymbattap ketken şöptı ünemdeu üşın şarualar kartondy suǧa ezıp, sosyn erıgen kartondy kebekpen jäne qaldyqtarmen aralastyryp beredı.
Jelı qoldanuşylary mūndai tehnologiia baiaǧydan qoldanylyp kele jatqanyn jazǧan. Jem-şöpke karton qosyp beru januarlardyŋ as qorytu jüiesınıŋ qalypty jūmys ısteuıne äser etedı eken.
Eske salaiyq, mausymda Maŋǧystau oblysynda tūrǧyndar malǧa şöp ornyna karton berıp jürgenı turaly aqparat taraǧan bolatyn. Äleumettık jelılerde tüieler men jylqylardyŋ karton jep tūrǧany tüsırılgen video taraldy. Video avtorynyŋ aituynşa, fermerler qiyn jaǧdaidan osylai şyǧuǧa mäjbür. Ol öŋırde jem-şöp tapşy ekenın aitady. Sondai-aq, videoda biyl jauyn-şaşyn bolmai jaiylymdar qūrǧap qalǧany aitylǧan.
Artynşa januarlar düniesı boiynşa qazaqstandyq ǧalym Nūradin Älıbaev būl dūrys emes ekenın jäne ol tüielerge ziian boluy mümkın ekenın aitqan edı. Ǧalymnyŋ aituynşa, januarlardyŋ tamaǧynda mikroelementter balansy boluy kerek, olardy būlai asyraǧan dūrys emes.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz