Qazaqstanda et baǧasy bır jyl ışınde 14%-ǧa qymbattap, sonyŋ ışınde köbınese Almatyda törtten bır esege ösken. Mamandar būǧan respublika öŋırlerınen mal eksporttau sebebın ataidy, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Energyprom.kz-tıŋ zertteuıne säikes, mausym aiynda elımızdegı bazarlar men dükenderde qoi etı kilogrammy 2300 teŋgeden satyldy jäne būl ötken jylmen salystyrǧanda 14,4%-ǧa qymbat.
Elımızdıŋ ırı qalalary men megapolisterınıŋ arasynda eŋ joǧary baǧalar Almaty men Nūr-Sūltanda baiqaldy: kilogrammyna 2900 teŋge, sonymen bırge Qaraǧandyda kilogrammyna 2600 teŋge. Al eŋ arzan baǧalar kilogrammyna 1700 teŋgemen Oral men Petropavl qalalarynda anyqtaldy.
Bır jyl ışınde qoi baǧasynyŋ eŋ ülken ösımı Almatyda (22,6%), Batys Qazaqstan jäne Almaty oblystarynda baiqalǧan.
2021 jyldyŋ qaŋtar-mausym ailarynda 131,8 myŋ tonna tırıdei salmaqta jäne ettei salmaǧy boiynşa 65,7 myŋ tonna qoi soiylǧan.
Sonymen qatar alty aida Qazaqstan 35,5 myŋ tonna qoi jünın alǧan, būl ötken jylmen salystyrǧanda 2,2% artyq körsetkış. Olardyŋ jartysynan köbı üi şaruaşylyqtarynda – 19,9 myŋ tonna, üşten bırınen köbı – jeke käsıporyndarda jäne jeke qosalqy şaruaşylyqtarda – 14,1 myŋ tonna, auylşaruaşylyq käsıporyndarynda – 1,5 myŋ tonna jün öndırılgen.
Qazaqstandaǧy qoi şaruaşylyǧy
2021 jyldyŋ şıldesıne deiıngı esep boiynşa elımızde 22,9 million qoi basy bar. Onyŋ 11,8 milliony üi şaruaşylyǧyna, 9,9 milliony jeke käsıpkerler men şarua qojalyqtaryna, 1,2 milliony auylşaruaşylyq käsıporyndaryna tiesılı.
Eŋ köp qoi basy Türkıstan oblysynda – 5,5 mln bas, Almatyda – 4,3 mln jäne Jambylda – 3,4 mln.
Aita ketsek, elge ūsaq maldardyŋ asyl tūqymdy basyn eksporttauǧa tyiym salyndy. Ükımet müddelı memlekettık organdarmen jäne ūiymdarmen bırge Qazaqstannyŋ qoi ösıruşılerınıŋ ūlttyq qauymdastyǧynyŋ töraǧasy Sadyrbaevtyŋ ūsaq basty maldardy eksporttauǧa tolyq tyiym salu turaly ūsynysyn qarastyruda. Olar el ışındegı qoi etınıŋ qymbattauynyŋ negızgı sebebı retınde mal eksportyn körsetıp otyr.
"Adyrna" ūlttyq portaly
