Astanada vaksinaǧa qarsy bır top äielder densaulyq saqtau ministrlıgınıŋ ökılderıne şabuyldady, dep habarlaidy “Adyrna” ūlttyq portaly Stan.kz aqparat agenttıgıne sılteme jasap.
Tūrǧyndarmen kezdesuge densaulyq saqtau vise-ministrlerı Jandos Bürkıtbaev, Ajar Ǧiniiat jäne Qazaqstannyŋ bas sanitar därıgerınıŋ resmi ökılı Erjan Baitanaev kelgen. Alaida äielder olardyŋ sözın tyŋdamai, şeneunıkterge jūdyryq ala jönelgen.
Öz kezegınde Erjan Baitanaev oqiǧa jaily pıkır bıldırdı. Sözınşe, qandai jaǧdai bolmasyn memlekettık organdardyŋ qyzmetkerlerı halyqpen kelısımge keluge tyrysady.
"Bügıngı bolǧan oqiǧa menı qatty sastyrdy. Men köp balaly analardyŋ būl qylyǧyn körıp, ne aitarymdy bılmei qaldym. Olardyŋ arasynda mügedek balany tärbilep otyrǧandary bar, alaida äielderdıŋ ministrlıktıŋ mügedek qyzmetkerıne körsetken ozbyrlyǧy adam nanǧysyz. Olar ǧimaratqa basa köktep kırıp, özın qorǧai almaityn qyzmetkerdı tarpa bas saldy. Küş körsetıp, balaǧattai bastady. Beişara qyzdyŋ, kerısınşe, olarǧa kömektıskısı keletının eşkım de tyŋdamady", – deidı Baitanaev.Ol būl jaǧdaidy mysalǧa keltıre otyryp, halyqty sabyrlyqqa şaqyrdy.
"Mügedek jandardyŋ müddesın qorǧaimyz degen olar mümkındıgı şekteulı qyzǧa qatysty osyndai qylyq tanytyp otyr. Būl ne degen ekıjüzdılık? Bız zaiyrly ärı zaŋǧa negızdelgen memlekette ömır sürıp jatyrmyz. Sol sebeptı ärkımnıŋ ünıne qūlaq asuǧa daiynbyz. Eger sūraqtaryŋyz ben şeşılmegen mäselelerıŋız bolsa, aşuǧa berılmei kelıp tüsındırıŋızder. Bız tyŋdauǧa daiynbyz", – dedı Baitanaev.Eske salsaq, būǧan deiın memleket basşysy vaksina alǧysy kelmeitın adamdar bırdei emes jäne olarmen jūmys ısteude ärtürlı täsıldı qoldanu qajet ekenın aitqan bolatyn.
