QR Densaýlyq saqtaý mınıstri Alekseı oı balalardy koronavırýsqa qarsy vakınalaý týraly suraqqa jaýap berdi, dep habarlaıdy «Adyrna» ulttyq portaly Sputnik Qazaqstan saıtyna silteme jasap.
«Árıne, bul tek erikti túrde, ata-analardyń kelisimimen ǵana jasalady. Biz tek balasyna ekpe salýǵa múmkindik beremiz», - dedi Alekseı oı.
Onyń aıtýynsha,mınıstrlikke balalardy vırýstan qorǵaý úshin vakına tabý týraly kóptegen ótinish kelip túsip jatyr.
«Ókinishke qaraı, qazir tek eresek adamdar ǵana vakına saldyra alady, balalarǵa kómektesýge múmkindigimiz joq. Qazirgi ýaqytta 12 jastan bastap Pfizer vakınasyn saldyrýǵa keńes berilýde. Azamattar bul máseleni ózderi sheshedi, biraq biz vakınalaýǵa shaqyramyz, óıtkeni ol kómektesedi. Ókinishke qaraı, jańa shtammen balalar da aýyrady», - dedi mınıstr.
Sonymen qatar mınıstr qazaqstandyq QazVac vakınasyn balalarǵa salyp synaqtan ótkizýge qatysty suraqqa jaýap berdi.
«Bizdiń zańnamada ekpeni balalarǵa salyp synaqtan ótkizýge tyıym salynǵan. Sondyqtan QazVac boıynsha mundaı zertteý júrgizilip jatqan joq», - dedi oı.
19 shildede ótken keńeste memleket basshysy Qasym-Jomart Toqaev QazVac vakınasyn Dúnıejúzilik densaýlyq saqtaý uıymynda tirkeýdi jedeldetýdi tapsyrǵan edi.
"Adyrna" ulttyq portaly
