Älemdegı eŋ bai adam jäne Amazon kompaniiasynyŋ negızın qalauşy Djeff Bezos özınıŋ Blue Origin kompaniiasy salǧan New Shepard kemesı arqyly ǧaryşqa baryp keldı, dep habarlaidy «Adyrna» tılşısı.
Zymyran jergılıktı uaqyt boiynşa 09:12-de (Nūr-Sūltan uaqyty boiynşa 19:12 – red.) Van Horn qalasynyŋ janyndaǧy Bezos jeke ǧaryş ailaǧynan ūşty. Jalpy ūşu 10 minut 10 sekundqa sozyldy.
Milliarder Jerge oralǧannan keiın alǧan äserımen bölıstı.
"O, Qūdaiym! Būl menıŋ kütkenımnen de asyp tüstı!"– dedı Bezos New Shepard kemesınıŋ alǧaşqy ūşuynyŋ qorytyndysy boiynşa ötken baspasöz mäslihatynda.Sondai-aq ol jyl soŋyna deiın New Shepard kemesınıŋ taǧy ekı ūşu saparyn jüzege asyratynyn rastady.
"Qazır jeke ötınımderden alynǧan somalar 100 million dollarǧa jaqyndap keledı, sūranys öte ülken", - dedı käsıpker.
«Adyrna» ūlttyq portaly
Ūqsas jaŋalyqtar
