Şet tılder jäne ıskerlık karera universitetı bas lisenziiadan aiyrylu aldynda tūr. QR BǦM Bılım jäne ǧylym salasyndaǧy sapany qamtamasyz etu komitetınıŋ qaita tekseru jūmystary osyndai nätije körsettı, dep habarlaidy «Adyrna» tılşısı ministrlıktıŋ baspasöz qyzmetıne sılteme jasap.
Būryn joǧary oqu ornynda profilaktikalyq baqylau jürgızıldı. Nätijesınde, tekseru paraǧynyŋ 46 tarmaǧynan 39 tarmaǧy boiynşa būzuşylyqtar anyqtaldy. Universitetke säikessızdıkterdı joiu üşın uaqyt berıldı, alaida qaita tekseru jūmystary joǧary oqu orny bılım beru qyzmetınıŋ sapasyn jaqsartu üşın qajettı jūmysty jürgızbegenın körsettı.
«Bız elımızde bılım beru sapasy men kadrlar daiarlaudy jaqsartu üşın joǧary oqu oryndarynda tekseruler jürgızemız. Eger universitetter qajettı talaptarǧa sai bolmasa, onda erteŋ bılımı men bılıktılıgı tömen, eŋbek naryǧyna jūmys beruşılerdıŋ sūranystaryna säikes kelmeitın mamandar şyǧady. Būl rette joǧary oqu oryndaryna būzuşylyqtardy joiuǧa uaqyt beremız, alaida olar kemşılıktermen jūmys jürgızbeidı. Osyǧan bailanysty keiınırek qataŋ şaralar qoldanuǧa tura keledı. Universitetterdıŋ oqu jaǧdailaryn, bılım beru baǧdarlamalaryn jäne tūtastai alǧanda, studentterdı belgılı bır mamandyqtarǧa oqytuǧa degen közqarasyn jaqsartuy üşın būl öte maŋyzdy. Äitpese, joǧary oqu oryndary sapaly bılım emes, tek diplomdar beretın bolady. Mysaly, Şet tılder jäne ıskerlık karera universitetınde bılım beru sapasyn qamtamasyz etudıŋ ışkı jüiesı qalyptaspaǧan. Bılım beru baǧdarlamalaryn, jeke oqu josparlaryn taldau belgılı bır pänder boiynşa kreditterdı igerude ülken aiyrmaşylyqtardy körsettı. Tiısınşe, bılım aluşylar pänderdı tolyq kölemde meŋgermeidı. Oqytu nätijelerı boiynşa studentterdıŋ 90%-y şektı deŋgeiden öte almady. Oqu prosesınde tıptı eŋ tömengı belgılengen talaptarǧa säikes kelmeitın eskırgen kompiuterler qoldanylady. Beiındık magistratura tülegıne ǧylymi-pedagogikalyq baǧyttaǧy magistr därejesın beru boiynşa būzuşylyqtar da anyqtaldy. Memlekettık attestattau komissiiasynyŋ şeşımımen bır jyldyq magistratura tülegıne ekı jyldyq magistr därejesı berıldı. Būlar joǧary oqu ornynda anyqtalǧan būzuşylyqtardyŋ az ǧana bölıgı», – dep atap öttı QR BǦM Bılım jäne ǧylym salasyndaǧy sapany qamtamasyz etu komitetınıŋ basqarma basşysy Elvira Saparbekova.Anyqtalǧan būzuşylyqtarǧa bailanysty Komitet Şet tılder jäne ıskerlık karera universitetı lisenziiasynyŋ qoldanyluyn toqtatty. Būdan ärı bas lisenziiadan aiyru jäne joǧary oqu ornyn jabu boiynşa jūmys jürgızıletın bolady. Zaŋnamaǧa säikes lisenziianyŋ qoldanyluy toqtatyla tūrǧan jaǧdaida studentter universitettıŋ anyqtalǧan būzuşylyqtardy joiuyn kütpei-aq, basqa joǧary oqu oryndaryna auysa alady.
«Adyrna» ūlttyq portaly
