Bügın QR Prezidentı janyndaǧy Ortalyq kommunikasiialar qyzmetınde halyqaralyq «Slavianskii bazar-2021» öner festivalınıŋ gran-pri jüldesınıŋ iegerı Ruhiia Baidükenovanyŋ qatysuymen baspasöz otyrysy öttı.
XXX-şy dästürlı Halyqaralyq öner baiqauy biyl 14-19-şy şılde aralyǧynda Belorus elınıŋ Vitebsk qalasynda öttı. Qazaqstandyq delegasiia dübırlı dodadan elge bügın tünde oraldy.
Qazaqstan Respublikasynyŋ Mädeniet jäne sport ministrlıgı Ruhiia Baidükenovanyŋ halyqaralyq arenada Qazaqstannyŋ laiyqty ökılı boluy üşın qoldau körsetse, «Habar» Agenttıgı «Slavian bazary - 2021» Halyqaralyq öner festivalın taratu qūqyǧyna ie bas aqparattyq serıktesı boldy.
«Qazaq elın būl jeŋıspen qūttyqtaimyn. Bız aqparattyq demeuşılıgımızdı festivaldıŋ aşylu, jabylu saltanatty räsımderın körsetu arqyly, «Habar», «Habar 24» arnalaryndaǧy jaŋalyqtarda halyqqa Ruhiianyŋ jeŋısı turaly aqparatty taratu arqyly barynşa qoldau bıldıruge tyrystyq. Elımızdıŋ jas talanttaryn «Habar» Agenttıgı qaşan da qoldap keledı»,- dedı «Habar» telearnasynyŋ direktory Dinara Bisembina baspasöz otyrysynda.30 eldıŋ ökılderı baq synasqan baiqaudyŋ qazylar alqasy men ūiymdastyruşylary, biylǧy qatysuşylar arasynda bäsekelestıktıŋ asa joǧary bolǧanyn alǧa tartady. Ekınşı turda änşıler slavian änderın Belarus elınıŋ bas dirijerı Vitalii Kulbakovtyŋ basşylyǧymen oryndaǧan. Bırınşı konkurstyq künnen keiın Ruhiia Baidükenova 70 baldan 69 ūpai jinady. Qazylar alqasynyŋ reseilık müşesı Sergei Penkin qazaqstandyq oryndauşyǧa 9 ūpai berse, qalǧan barlyq müşesı 10 ūpaidan bergen.
«Qazaq elıne ülken raqmet! Menıŋ armanym oryndalyp jatyr. Jeŋısımdı halyqpen bırge toilau - bala küngı armanym edı. Būl menıŋ ǧana emes, bükıl Qazaqstannyŋ jeŋısı dep bılemın»,-dedı «Slavian bazary-2021» halyqaralyq öner festivalınıŋ bas jüldegerı Ruhiia Baidükenova.Tartysty ötken baiqauda bas jüldenı qazaq qyzy Ruhiia Baidükenova jeŋıp aldy. Bırınşı oryn serb qyzy İrina Arsenievichke būiyrsa, ekınşı oryndy ukrainalyq Renata Ştifel men Daniil Myşkoves aldy. Üzdık üştıktı slovak İvanna men Äzırbaijan ökılı Tofiek Gadjiev qorytyndylaǧan. Al, baiqaudyŋ arnaiy syilyǧy – «Slavian ümıtın» serbiialyq İrina Arsienevichke būiyrdy. Aita ketu kerek, biyl qazylar alqasynyŋ müşelerı arasynda Dimaş Qūdaibergen de boldy, ol 2015 jyly «Slavian bazarynyŋ» bas jüldesın jeŋıp alǧan bolatyn. 22 jasar Ruhiia Baidükenova Taldyqorǧan qalasynyŋ tumasy. Ol bala kezınen vokalmen ainalysqan. Qazırgı taŋda ol Qazaq ūlttyq öner universitetınıŋ «estradalyq vokal» mamandyǧynyŋ üşınşı kurs studentı.Jas änşı 2014 jyly «Jas qanat» respublikalyq jas oryndauşylar baiqauynyŋ finalistı atansa, 2015 jyly «Zvezdy Evrazii» (Euraziia jūldyzdary) jäne «Golos Astany» (Astana dauysy) halyqaralyq baiqaularynda bırınşı oryndy ielengen. Dauys diapazonynyŋ keŋdıgı bes oktavany qūraidy.
