Úndistanda 4 300-ge jýyq adam «qara zeńnen» qaza tapty, dep habarlaıdy «Adyrna» ulttyq portaly United News of India basylymyna silteme jasap.
Eldiń densaýlyq saqtaý mınıstri Mansýh Mandavııa Úndistanda mýkormıkoz dep atalatyn aýrýdyń 45 374 jaǵdaıy tirkelgenin málimdedi. Eń kóp zardap shekkenderi: Maharashtra jáne Gýdjarat. Onda 1 785 adam kóz jumǵan.
Basylymnyń aqparatynsha, adamdar koronavırýstan jazylǵannan keıin 12-18 kún ótken soń «qara zeń» ınfekııasyn juqtyrǵan. Atalmysh aýrý murynǵa, kózge jáne tipti mıǵa áser etedi. Dárigerler kóptegen naýqastyń aýrýhanaǵa túskenge deıin aýrýdan qaıtys bolǵanyn aıtty.
«Mýkormıkozdan bolatyn ólim ınfekııadan birneshe apta nemese aı ótken soń paıda bolady. Negizinde Úndistanda mýkormıkoz jaǵdaılary resmı statıstıkaǵa qaraǵanda áldeqaıda kóp. Shaǵyn aýrýhanalar men aýyldyq jerlerde dıagnoz qoıý qıyn», - dedi Bangalor qalasynyń dárigeri Raghýraj Hegde.
"Adyrna" ulttyq portaly
