Petropavlda üş tuysyn pyşaqtap, taǧy ekeuınıŋ ömırıne qastandyq jasaǧan 30 jastaǧy er adamǧa sot ükımı şyqty, dep habarlaidy «Adyrna» ūlttyq portaly QazAqparatqa sılteme jasap.
Soltüstık Qazaqstan oblysyndaǧy qylmystyq ıster boiynşa mamandandyrylǧan audanaralyq sot bır üilı jannyŋ qanyn moinyna jüktegen qanışerge ükım şyǧardy. «Öltıru» jäne «Ömırge qastandyq jasau» baptary boiynşa aiyp taǧylǧan 30 jastaǧy Bekbolat Ǧabdullin ömır boiyna bas bostandyǧynan aiyryldy.
Qaiǧyly jaǧdai nauryz aiynda Petropavlda boldy. Tergeu mälımetterıne säikes, almatylyq Bekbolat Ǧabdullin nauryzdyŋ 9-y Nūr-Sūltan qalasynan Petropavlǧa tuystarynyŋ üiıne qonaqqa keledı. Er adam eş jerde jūmys ıstemegen. Qūmar oiynǧa salynyp, qaryzǧa belşeden batqan eken.
«Jäbırlenuşılerdıŋ aituynşa, Ǧabdullin üi ışın aralap, üidegı qūndy zattarǧa qatysty qyzyǧuşylyq bıldırgen. Osydan-aq onyŋ tuystaryn tonamaq bolǧany baiqalady. Üi ielerıne pyşaqpen ūmtylǧanda da maǧan aqşa kerek dep aiqailaǧan», - deidı ıstı qaraǧan sudia Sergei Viktorenko.Nauryzdyŋ 10-y künı Ǧabdullin araqqa sylqiia toiyp kelıp, saǧat 02.30 şamasynda şabuylyn bastaǧan. Aldymen nemere ınısın temekı şegeiık degen syltaumen şaqyryp alyp, arqasyna bırneşe ret pyşaq sūqqan. jıgıt kömekke şaqyru üşın ekınşı qabatqa äjesınıŋ bölmesıne jügıredı. Ondaǧy telefon arqyly qarama-qarsy tūratyn tuystaryna telefon soǧyp, esınen tanyp qalady. Ǧabdullin onyŋ artynan jügırıp kırıp, ūiqydaǧy qariiany da pyşaqtaidy. Keiın 48 jastaǧy tätesıne de pyşaq sūǧady.
«Sottaluşynyŋ jasaǧan qylmysy öte auyr bolǧandyqtan sot ony qoǧam üşın qauıptı dep tanydy. Sol sebeptı Ǧabdullin ömır boiyna bas bostandyǧynan aiyryldy. Jazasyn qylmystyq-atqaru jüiesınıŋ tötenşe qauıpsızdık mekemesınde öteidı», - deidı Sergei Viktorenko.Sondai-aq Ǧabdullinnen jäbırlenuşılerdıŋ paidasyna 14,8 mln teŋgeden astam materialdyq jäne moraldyq şyǧyn öndırıldı.
"Adyrna" ūlttyq portaly
