15 aı úıden shyqpaǵan: Koronavırýstan qoryqqan otbasy týraly bilesiz be?

8038
Adyrna.kz Telegram

Úndistannyń Andhra-Pradesh shtatynda COVID-ten qoryqqan otbasy 15 aı boıy úıden shyqpaı otyrǵan. Polıııa olardy májbúrli túrde aýrýhanaǵa jetkizdi, dep habarlaıdy «Adyrna» ulttyq portaly Sputnik Qazaqstan saıtyna silteme jasap.

Kadalı aýylynyń basshysy Choppala Gýrýnathtyń aıtýynsha, koronavırýstan tyǵylǵan otbasy shatyrly úıde turady. Otaǵasy – Chýttýgally Bennı. Áıeli jáne eki úlken qyzy bar. Tórteýi koronavırýsty juqtyrýdan qorqyp, byltyrdan beri adamdarmen aralaspaı qoıǵan.

«Olar koronavırýstan qatty qoryqqan. Sodan úıdi ishinen bekitip alyp, 15 aı boıy dalaǵa shyqpaı qoıypty», - deıdi Gýrýnath.

Ol úıge jas volonter barmaǵanda jergilikti bılik «qamaýda» otyrǵan otbasy jaıynda bilmeıtin edi. Erikti olarǵa jer teliminiń berilgenin aıtýǵa barǵan. Al esikti qaqqanda úı ıeleri ashpaı qoıypty. Áıel jáne onyń 30 jastaǵy qyzdary koronavırýstan qorqatynyn, al dalaǵa shyqsa, ólip qalatynyn aıtqan. Sóıtip eriktini úıge kirgizbeıdi. Artynan otbasynyń týystary da jergilikti bılikke habarlasyp, úıde tyǵylyp otyrǵan otbasynyń jaǵdaıy nasharlap ketkenin jetkizgen.

«Volonter bizge jaǵdaıdyń mán-jaıyn jetkizgennen keıin bárimiz sol jerge bardyq. Olar kishkentaı shatyrda turady. Tipti sol jerde dáret syndyrǵan. Biz jergilikti turǵyndar men polıııanyń kómegimen olardy aýrýhanaǵa jatqyzdyq. Qazirgi kezde barlyǵy emdeý kýrsynan ótip jatyr», - dep atap ótti Gýrýnath.

Onyń aıtýynsha, áıelderdiń jaǵdaıy qıyndap ketken. Olar kópten beri jýynbaǵan, shashyn da qıdyrmapty. Jergilikti bılik eki-úsh kúnge keshikkende áıelder ólip ketýi múmkin edi.

"Adyrna" ulttyq portaly

Pikirler