Qūtqaruşylar — jedel türde qyzmet etetın, adamdardyŋ ömırın qūtqarudy basty missiiasy sanaityn mamandyq ielerı. Olardyŋ basty mındetı — halyqtyŋ beibıt ömırın, tūrmystaǧy, öndırıstegı qauıpsızdıgın qamtamasyz etıp, apattyq jaǧdaiǧa jol bermeu. Apat aityp kelmeidı. Tosynnan bolǧan apat kezınde azamattarǧa bırınşı bolyp kömekke ūmtylatyn tötenşe jaǧdailar qyzmetınıŋ qūtqaruşylary. Būl ıs kez kelgennıŋ qolynan kele bermeidı. Oǧan ülken jürek, maşyq, bılım jäne täjıribe kerek.
Qūtqaruşylardyŋ osyndai eŋbegıne qūrmet retınde el astanasy — Nūr-Sūltan qalasynda «Qūtqaruşylar saiabaǧy» paidalanuǧa berıldı. Būl — täuelsızdık jyldarynda elordada osyndai jankeştı mamandyq ielerınıŋ qūrmetıne aşylyp tūrǧan alǧaşqy saiabaq.
Saiabaq A. Iаnuşkevich pen A. Puşkin köşelerınıŋ qiylysynda ornalasqan.Saiabaq aumaǧy balalar men eresekterge arnalǧan aimaqtarǧa bölıngen. Mūnda kedergı jolaqtaryn qosa alǧanda, ekstrim-sportyn qoldau üşın tūrǧyndarǧa arnalǧan parkur-alaŋ ornalasqan. Sol siiaqty qala tūrǧyndaryna arnalǧan tynyş demalys aimaǧy bar. Al köpır jaǧynda «Public art» surettelgen. Sondai-aq, saiabaq maŋyna 1964 jyly şyqqan AS-30 MAZ 205 arnaiy ört söndıru maşinasy qoiylǧan.
Saiabaq ört söndıruşı-qūtqaruşylardyŋ, sondai-aq mındetın oryndau kezde qaza tapqan qyzmetkerlerdıŋ qūrmetıne jasaqtalǧan. Nysannyŋ jan-jaǧy erekşe abattandyrylǧan. Mäselen, saiabaq aumaǧyna 150-ge juyq aǧaş egelgen.Saiabaqtyŋ aşyluyna qatysqan qala äkımı Altai Kölgınov aumaq älı de jetıldırılıp, tolyqtyrylatynyn jetkızdı. — Bızge qala tūrǧyndary bos uaqytyn densaulyǧyna paidaly etıp ötkızetın oryndar qūru maŋyzdy. Biyl bız 150 aula men 40 qoǧamdyq keŋıstık (saiabaqtar, gülzarlar, jelekjoldar) salamyz. Jalpy alǧanda, 70-ke juyq aula men qoǧamdyq keŋıstıktıŋ jūmysy aiaqtalyp, aşylǧaly tūr. Memleket basşysynyŋ tapsyrmasy boiynşa abattandyru kezınde kögaldandyruǧa erekşe köŋıl bölınedı, — dedı elorda äkımı.
Al saiabaqtaǧy ört söndıruşınıŋ eskertkışı basqa adamdardyŋ ömırın saqtap qalu üşın kün saiyn öz ömırlerın qaterge tıkken batyrlarǧa alǧys retınde ornatylǧan.Skver aumaǧynda azamattyq qorǧau qyzmetınıŋ üzdıkterı üşın «Qūrmet taqtasy» da jasaqtalǧan. Aita ketu kerek, biyl elımızde azamattyq qorǧau organdarynyŋ 19 myŋnan asa qyzmetkerınıŋ jalaqysy östı. Mysaly, qazır 20 jyldan asa eŋbek ötılı bar ört söndıruşı 177 myŋ teŋge jalaqy alady. Ötken jyldyŋ qaŋtarynan bastap ört söndıruşılerdıŋ jalaqysy 20 paiyzdan 65 paiyzǧa deiın artqan bolatyn. Būl qūtqaruşylardyŋ eŋbegı men qyzmettegı jetıstıkterıne degen qamqorlyq deuge bolady.
"Adyrna" ūlttyq portaly.
