Äzırbaijan men Türkmenstannan Qazaqstanǧa jetkızılgen qyzanaqtardan virus anyqtalǧan dep habarlaidy "Adyrna" ūlttyq portaly.
QR Auyl şaruaşylyǧy ministrlıgı baspasöz qyzmetınıŋ habarlauynşa, Äzırbaijannan kelgen önımderderdı karantindık fitosanitariialyq baqylau jürgızu kezınde 17 jaǧdaida Tomato brown rugose cfruit virus (ToBRFV) virusy anyqtalǧan.Osyǧan bailanysty Komitet tarapynan Äzırbaijan aumaǧynan qyzanaq jemısterın äkeluge şekteu türınde uaqytşa karantindık fitosanitariialyq şara engızıldı. Zaŋnamalardy basşylyqqa ala otyryp jäne Äzırbaijan respublikasynyŋ Azyq-tülık qauıpsızdıgı jönındegı agenttıgınen kelıp tüsken karantinge jatqyzylǧan önımdı Qazaqstan Respublikasynyŋ aumaǧyna äkeludıŋ aldyn alu boiynşa qabyldanǧan jäne qabyldanatyn şaralar turaly aqparaty nazarǧa alynyp, 2021 jylǧy 21 qaŋtardan bastap osy şekteu alynyp tastaldy.
Sondai-aq, jyl basynan berı Türkmenstannyŋ ösımdıkter karantinı jönındegı memlekettık qyzmetınıŋ fitosanitariialyq sertifikattarynyŋ süiemeldeuımen Qazaqstanǧa jetkızıletın qyzanaqtarǧa karantindık fitosanitariialyq baqylau jürgızu kezınde «qoŋyr äjım» virusynyŋ (Tomato brown rugose fruit virus (ToBRFV) 19 deregı anyqtalǧan.Karantindık obektılerdıŋ jüielı türde anyqtaluyna jäne EAEO bıryŋǧai karantindık fitosanitariialyq talaptarynyŋ būzyluyna bailanysty, QR AŞM AÖK memlekettık inspeksiia komitetı 2021 jyldyŋ 7 mausymynan bastap Türkmenstan aumaǧynan qyzanaq pen būryş önımderın äkeluge tyiym salu türınde uaqytşa karantindık fitosanitariialyq şaralardy engızdı.
"Adyrna" ūlttyq portaly.
