Zamanymyzdyŋ körnektı jazuşysy, aqyn, dramaturg Sofy Smataevtyŋ jary Şämşiia Smataeva ömırden öttı dep habarlaidy "Adyrna" ūlttyq portaly.
Būl aqparatty qazaq radiosynyŋ sanduǧaşy atanǧan diktor Sauyq Jaqanova rastady.
«Juyrda ǧana Sofy aǧamyzdyŋ 80 jyldyq mereitoiynda jeŋgemızben kezdesıp, dastarqandas bolǧan edık. Ol kısı sondai aqjarqyn, meiırımdı, köpşıl adam edı. Men öz ömırımde ol kısını ekı-aq ret kördım. Ol kısınıŋ bolmysy özgeşe edı. Sofy aǧamyzdy erekşe syilaityn, jaǧdaiyn jasap, qas-qabaǧyna qarap otyratyn. "Köp närse şyǧarmaşylyq adamynyŋ ömırlık jaryna bailanysty" degen söz bar, sol siiaqty Sofy aǧamyzdyŋ osyndai ataq-abyroiǧa jetuıne otbasyndaǧy jarynyŋ da ülesı zor dep oilaimyn. Qaraly habardy estıp, bıraz qaiǧyryp qaldyq. Alla aldynan jarylqasyn", — dedı S.Jaqanova.
Şämşiia Smataeva jaily basylym betterınde köp derek bolmasa da, ol kısı turaly Sofy aǧamyzdyŋ bır sūhbatynda aitqany el jadynda saqtalyp qaldy dep oilaimyz. Ol:
«Jan jarym – aq bantigı köz aldymda köbelektei kölbeŋdegen, jastaiymyzdan bır auylda bırge ösıp, bır ümıtke bırge ılesken, bır armandy bırge aŋsaǧan Şämşiia hanym. Qos jürektegı ystyq ıŋkärlıktı qosyp alyp, aq otauymyzdy köterıp aq ordaǧa ainaldyrdyq desem, artyqtau bolmas ta. Şekten tys köbeigen yŋqyl-syŋqylymnyŋ, kesel-dertımnıŋ emşısı – jan jarym, Şäkemnıŋ-Şahminamnyŋ bäiek bolǧyş tırlıgı, aialaǧyş alaqany», — degen bolatyn.
Sondai-aq ol zaiybymen ömırde tatu-tättı ǧūmyr keşıp, Almas, Manas, Janar esımdı ūl-qyz ösırgenın aitqan.
Bız jazuşy aǧamyzǧa, onyŋ otbasyna, tuǧan-tuystaryna qaiǧylaryna ortaqtasyp köŋıl aitamyz.
"Adyrna" ūlttyq portaly.
