Premer-Ministrdıŋ orynbasary E. Toǧjanov «ASHYQ» jobasyna belsendı qatysatyn biznes-qoǧamdastyq ökılderımen onlain-kezdesu ötkızdı. Būl joba Memleket basşysynyŋ tapsyrmasy boiynşa ıske asyryldy jäne bügıngı künı özınıŋ tiımdılıgın körsettı.
Keŋeske memlekettık organdardyŋ basşylary, barlyq öŋırlerdıŋ äkımdıkterı, «Atameken» Ūlttyq käsıpkerler palatasy jäne «ASHYQ» jobasynyŋ köşbasşylary qatysty.
Qazır «ASHYQ» jüiesınde 45 myŋnan astam käsıpkerlık obektısı jūmys ısteidı, 4 mln astam paidalanuşy tırkelgen. «ASHYQ» jobasy engızılgen sätten bastap «qyzyl» jäne «sary» märtebesı bar 23 myŋnan astam keluşı anyqtaldy (onyŋ ışınde oŋ PTR-testı bar 13 516 azamat jäne 9 688 – nauqastarmen qarym-qatynasta bolǧandar).
Vise-premer elımızdegı epidemiologiialyq jaǧdai öte kürdelı ekenın, 16 öŋır «qyzyl» aimaqta tūrǧanyn atap öttı. Elımızdıŋ emdeu stasionarlaryndaǧy tösek oryndarynyŋ tolymdylyǧy 54%-ǧa jettı. Densaulyq saqtau jüiesı ötken jylmen salystyrǧanda ekı ese köp jüktememen jūmys jasauda. Koronavirus infeksiiasyn taratpau jönındegı jaǧdaidy basqaru, käsıpkerler tarapynan eldegı kürdelı jaǧdaiǧa tüsınıstıkpen qarauy jäne järdemdesuı pandemiiamen küreste öte maŋyzdy faktor bolyp tabylady.
«ASHYQ» jüiesı aiasyndaǧy jūmys äleumettık-ekonomikalyq nysandardaǧy sanitarlyq-epidemiologiialyq jaǧdaidy baqylauǧa alyp qana qoimai, biznestıŋ funksionalyn joǧaltpauǧa, jūmys oryndaryn saqtauǧa mümkındık berdı. Biznes ökılderı öz tarapynan karantin jaǧdaiynda jūmys ısteuge mümkındık bergenı üşın alǧys bıldırıp, özderıne alǧan barlyq mındettemelerdı odan ärı saqtaudy jalǧastyratynyn jäne ärıptesterın de osyǧan şaqyratyndaryn jetkızdı.
«Bız ekonomikanyŋ damuyn, sondai-aq 2 mln-nan astam adam jūmys jasaityn qyzmet körsetu sektoryndaǧy şaǧyn jäne orta biznestıŋ jūmysyn toqtatpau üşın ärqaşan käsıpkerlerdıŋ adal jūmysyn ūstanamyz. Memlekettıŋ senımdı ärı jauapkerşılıktı bizneske qoldau bıldırgenıne rizamyz», — dedı «Atameken» ŪKP basqarma töraǧasy A. Myrzahmetov.Sondai-aq, käsıpkerler ekı aptanyŋ monitoringı boiynşa 2-9 tamyz aralyǧynda üzdık körsetkışterge ie bolǧan jüie köşbasşylaryna demalys künderı jūmys ısteuge mümkındık berudı qarastyru turaly bastama köterdı. Būdan bölek, «ASHYQ» jobasy köşbasşylarynyŋ qoǧamdyq qozǧalysyn qūru turaly şeşım qabyldandy.
E. Toǧjanov memleket ŞOB jauapty nysandarynyŋ jūmysy üşın barlyq jaǧdaidy jasaitynyn aitty. Tabys tabu men azamattardyŋ densaulyǧyn qorǧau arasyndaǧy tepe-teŋdıktı tabu qajettılıgıne şaqyrdy. Sondai-aq, ol qalypty ömır tırşılıgıne qaita oraludyŋ jalǧyz joly – vaksina alu ekenın jäne ūjymdyq immunitettı qalyptastyru üşın vaksina aludyŋ maŋyzdylyǧy turaly keŋ aqparattyq saiasat jürgızu kerektıgın atap öttı.
Kezdesudı qorytyndylai kele, Premer-Ministrdıŋ orynbasary jauapty memlekettık organdar men äkımdıkterge «Atameken» ŪKP-men bırlesıp, barlyq aitylǧan bastamalardy pysyqtaudy jäne qajet bolǧan jaǧdaida koronavirus infeksiiasynyŋ taraluyna jol bermeu jönındegı VAK otyrysynda kelısılgen ūsynystardy engızudı tapsyrdy.
