Auruhana «ölıp baram» dep janūşyra aiqailaǧan ata-apalarǧa toly

Bırneşe oqyrmannyŋ sūrauy boiynşa fb-ǧa salyp otyrmyn. Ökpemdı KT-ǧa tüsıru üşın bırneşe adamdy ortalyq auruhanaǧa alyp bardy. Menı basqa apparatqa tüsıremız dep bölek alyp kettı. Ol jaqty foto ne videoǧa tüsıre almadym. Sipattap bereiın… Ūzyn dälız. Şarşaǧan, şarasyz dälızge qūlaǧan därıgerler… - «Qyzdar, ölıp baram, ölıp baram», - dep janūşyra aiǧailaǧan ata, aqyryn sybyrlaǧan apa… Sondai qorqynyşty. Denem älı dırıldep otyr… Dem ala almai jatqandardy şeşındırıp, tömen qaratyp jatqyzyp qoiady eken… - «Balam, kımsıŋ, äkımsıŋ be, därıgerler qarap ülgermei jatyr..»– dedı bır ata. Men ünsız öte berdım… Ökpemdı KT-ǧa tüsırıp, janymdaǧy alyp jürgen jıgıt ekeuımız basqa jolmen qaittyq. Men söz bastadym: - Denem dırıldep kettı ǧoi… - Menıŋ de, aǧa! Taŋǧy 8-den berı jürmız. Künıne tek men 20-30 adam äkelem… Sol sätte dälızde jatqan därıgerlerdı kördım. Şarşapty… Bıreu qatyp jylap otyr…Bırın-bırı jūbatady…Qorqynyşty… Sol arada bızdı tasyp jürgen jıgıttı ary qarai äŋgımege tarttym: - Taŋǧy 8-9-dan bastap tüngı 2-3-ke deiın jūmys ısteimız. Otbasyn, kafenı, tıptı gazdalǧan sudy ūmytqaly qaşan… Künıne kemı 20-30 adamdy KT-ǧa aparyp, üiıne äkelemız. Köptegen pasienttıŋ ökpesı bülıngen. Arasynda qinalyp, aurudy moiyndamaityndar kezdesedı. Közımızdegı äinek te bulanyp, dym körınbei qalatyn da uaqyt bolady. Ondai kezde äşkidı şeşuge bolmaidy… Öitıp, büitıp amaldaimyz… Menen keiın taǧy 10-ǧa juyq adam kezegın kütıp otyr deidı. Būl tek bızdıŋ mikrouchaskıdegı 1 ǧana medqyzmetkerdıŋ äŋgımesı… Būl menıŋ tek 10-15 minutta ǧana baiqaǧanym…. Aitpaqşy, bızdıŋ ömırımız üşın küresıp, aurudan aiyqtyru üşın janyn salyp jürgen därıgerlerge myŋ alǧys!